ەرەكشە قاجەتتىلىگى بار جانداردى الىپ جۇرەتىن ادامدار تەمىرجول بيلەتتەرىن 50 پايىز جەڭىلدىكپەن ساتىپ الا الادى
استانا. KAZINFORM - ەلىمىزدىڭ كولىك ۆەدومستۆوسى جولاۋشىلاردى تەمىرجول كولىگىمەن تاسىمالداۋ ەرەجەلەرىنە ءبىرقاتار وزگەرىس ەنگىزۋدى ۇسىندى.
جاڭارتىلعان نورمالار ەرەكشە قاجەتتىلىگى بار ازاماتتار مەن ولاردى الىپ جۇرەتىن تۇلعالارعا ارنالعان جەڭىلدىكتەردى كەڭەيتۋدى كوزدەيدى. اتاپ ايتقاندا، I جانە II توپتاعى مۇگەدەكتىگى بار ازاماتتاردى، سونداي-اق ەرەكشە قاجەتتىلىگى بار بالالاردى الىپ جۇرەتىن جانداردىڭ جول ءجۇرۋ قۇنىنا %50 جەڭىلدىك بەرۋ ۇسىنىلىپ وتىر (تەمىرجول بيلەتى).
- سونىمەن قاتار، ەندى ەرەكشە قاجەتتىلىگى بار ازاماتتاردان پويىزعا ءمىنۋ كەزىندە مەديتسينالىق مەكەمەلەردەن الىناتىن انىقتامالار مەن قۇجاتتاردى كورسەتۋ تالاپ ەتىلمەيدى. كولىك ۆەدومستۆاسى بۇل ءراسىمدى جولاۋشىلاردى تاسىمالداۋ ەرەجەلەرىنىڭ 44-تارماعىنان قۇجات تاپسىرۋ تالابىن الىپ تاستاۋ ارقىلى جەڭىلدەتۋدى كوزدەپ وتىر. ەندى قاجەتتى اقپارات اۆتوماتتى تۇردە ارنايى دەرەكتەر بازاسى ارقىلى تەكسەرىلەدى. بۇل شارالار ەرەكشە قاجەتتىلىگى بار ازاماتتاردىڭ قۇقىعىن قورعاۋعا باعىتتالىپ وتىر، - دەپ جازدى كولىك مينيسترلىگىنەن.
اتالعان جاڭاشىلدىقتاردى مينيسترلىككە قاراستى تەمىرجول جانە سۋ كولىگى كوميتەتىنىڭ ماماندارى دايىندادى. قازىرگى ۋاقىتتا بۇل وزگەرىستەر ماقۇلداۋ ساتىسىندا تۇر. ەرەجەلەردى 2025 -جىلدىڭ ەكىنشى جارتىسىندا كۇشىنە ەنگىزۋ جوسپاردا بار.
ايتا كەتەيىك، قازىرگى تاڭدا بارلىق توپتاعى مۇگەدەكتىگى بار ازاماتتار ءۇشىن الەۋمەتتىك ماڭىزى بار باعىتتاردا جۇرەتىن پويىزدارعا %50 جەڭىلدىك قاراستىرىلعان.
جولاۋشىلاردىڭ ىڭعايلى ءجۇرۋىن قامتاماسىز ەتۋ ماقساتىندا وتاندىق «زيكستو» زاۋىتىمەن 157 جاڭا جولاۋشىلار ۆاگونىن جەتكىزۋ تۋرالى كەلىسىم جاسالدى. ونىڭ ىشىندە 14 ۆاگون مۇمكىندىگى شەكتەۋلى ازاماتتارعا بەيىمدەلگەن. بيىل 4 ۆاگون پايدالانۋعا بەرىلدى، تاعى 10 ۆاگون جىل سوڭىنا دەيىن ىسكە قوسىلادى دەپ جوسپارلانىپ وتىر.
سونىمەن قاتار، 2025-2030 -جىلدار ارالىعىندا «شتادلەر - قازاقستان» زاۋىتىمەن جاسالعان كەلىسىم اياسىندا ەلىمىزگە تاعى 557 جولاۋشىلار ۆاگونى جەتكىزىلەدى. ونىڭ 35 ى ەرەكشە قاجەتتىلىگى بار جولاۋشىلارعا ارنالعان ارنايى كۋپەلەرمەن جابدىقتالادى.
ۋاكىلەتتى ورگان مۇمكىندىگى شەكتەۋلى ازاماتتارعا قىزمەت كورسەتۋ ساپاسىن ارتتىرۋ باعىتىندا جۇيەلى جۇمىس جۇرگىزىپ كەلەدى. تەمىرجول قۇرامىنان بولەك، ۆوكزال ينفراقۇرىلىمىن دا بەيىمدەۋ جۇمىستارى قولعا الىنعان. بيىلعى تەمىرجول ۆوكزالدارىن اۋقىمدى جاڭعىرتۋ اياسىندا ۆوكزالدار مەن پەرروندارعا پاندۋستار ورناتىلادى، ارنايى كوتەرگىش قۇرىلعىلار ەنگىزىلەدى جانە تاكتيلدى باعىتتاۋشى جولاقتار سالىنادى.
بۇعان دەيىن سەناتتا مۇگەدەكتىگى بار ادامداردىڭ توتەنشە جاعداي كەزىندەگى پروبلەمالارى ءسوز بولدى.
