رەفەرەندۋمدا حالىقتىڭ 71,12 پايىزى ا ە س قۇرىلىسىن قولدادى - ورتالىق رەفەرەندۋم كوميسسياسىنىڭ ءتوراعاسى
استانا. KAZINFORM - قازاقستاندىقتاردىڭ 71,12 پايىزى رەفەرەندۋمدا ا ە س قۇرىلىسىن قولداپ داۋىس بەردى. بۇل تۋرالى ورتالىق رەفەرەندۋم كوميسسياسىنىڭ ءتوراعاسى نۇرلان ءابدىروۆ ءمالىم ەتتى.
رەفەرەندۋم قالاي ءوتتى، قورىتىندىسى نە بولدى؟ Kazinform ءتىلشىسىنىڭ ماتەريالىنان تانىسا الاسىز.
ەسكە سالايىق، كەشە قازاقستاندىقتار اتوم ەلەكتر ستانسياسىن سالۋ ماسەلەسى بويىنشا رەفەرەندۋمدا داۋىس بەردى.
6-قازاندا ەل بويىنشا 10249 رەفەرەندۋم ۋچاسكەسىندە داۋىس بەرۋ باستالدى.
1-شىلدەدەگى جاعداي بويىنشا ەل كولەمىندە 12176968 ادام رەفەرەندۋمدا داۋىس بەرۋگە حاقىلى ەكەنى ايتىلدى.
قوعامدىق ساياسات ينستيتۋتى سايلاۋشىلار اراسىندا ساۋالناما جۇرگىزدى. Exit poll ناتيجەسىندە قاتىسۋشىلاردىڭ 72,3 پايىزى ا ە س قۇرىلىسىن قولداعان.
«استانا - كەشەندى الەۋمەتتىك زەرتتەۋلەر ينستيتۋتى» : exit poll ناتيجەسىندە قازاقستاندىقتاردىڭ 69,8 پايىزى رەفەرەندۋمدا ا ە س قۇرىلىسىن قولداپ داۋىس بەردى.
ەۋرازيالىق ينتەگراتسيا ينستيتۋتى: Exit poll ناتيجەلەرىنە سايكەس، رەسپوندەنتتەردىڭ %71,8 ى «ءيا، كەلىسەمىن» دەپ جاۋاپ بەرگەن، قالعان %28,2 ى «جوق، كەلىسپەيمىن» جاۋابىن تاڭداعان.
اۆتور
رۋسلان عابباسوۆ
