ەردوعان تۇرىكتىڭ تۇڭعىش عارىشكەرىنە ءسات ساپار تىلەدى

اتالعان ب ا ق- تىڭ مالىمەتىنشە، مينيسترلەر كابينەتى جينالىسى كەزىندە وتكەن كەزدەسۋدە پرەزيدەنت ەردوعاننىڭ «عارىش مىندەتىن اتقاراتىن تۇڭعىش ازاماتىمىز سەن بولاسىڭ. ۇلتىمىزدىڭ ماقتانىشى بولاسىڭ. دايىنسىڭ با؟» دەگەن سۇراعىنا گەزەراۆجى دايىن ەكەنىن ايتتى.

تۇركيا پرەزيدەنتى ەردوعان بۇل عارىش ساپارىنىڭ ماڭىزى زور ەكەنىن ايتىپ، عارىشكەرگە ساتتىلىك تىلەدى. ول وسى مىندەت ءارى عىلىم ميستسياسى، ءارى بالالارعا، جاستارعا شابىت بولاتىنداي قۇندى، جاڭا باستاۋ بولاتىنىن ايتقان.

«وسى ميستسيا جالعاسىن تابادى. ماقساتتى ارتتىرا بەرەمىز. ساعان جانە كوماندالاس جولداستارىڭا تابىس تىلەيمىز. امان- ەسەن مىندەتتى اتقارىپ كەلۋىڭە تىلەكتەسپىن. اللا تاعالا جار بولسىن. جولىڭ اشىق بولسىن»، - دەدى رەجەپ تايىپ ەردوعان.

ايتا كەتەيىك، قۇرامىندا الپەر گەزەراۆجى بار كوماندانى تاسىمالدايتىن زىمىران 19- قاڭتار كۇنى تۇركيا ۋاقىتىمەن ساعات 00.49-دا عارىشقا ۇشىرىلادى.

اۆتور

بەيسەن سۇلتان

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى