ەردوعان: تاياۋ شىعىس ماسەلەسى شەشىلمەيىنشە، بەيبىتشىلىككە قول جەتكىزۋ مۇمكىن ەمەس
تۇركيانىڭ باستى ماقساتى - يزرايل- پالەستينا قاقتىعىس ايماعىنداعى اتىستى توقتاتۋ جانە وسى ماقساتتا انكارا بارلىق قاجەتتى قادامدى جاساۋعا تىرىسادى.
بۇل تۋرالى جۋرناليستەرگە تۇركيا پرەزيدەنتى رەجەپ تايىپ ەردوعان ايتتى.
رەجەپ تايىپ ەردوعان گازاداعى سوعىستى توقتاتۋ ءۇشىن باتىستى يزرايلگە قىسىم كورسەتۋگە شاقىردى.
«يزرايل ماسەلەسى شەشىلمەيىنشە، ءبىزدىڭ ايماقتا، بۇكىل الەمدە دە تۇراقتى بەيبىتشىلىك پەن تولىق حالىقارالىق قۇقىقتىق ءتارتىپ بولۋى مۇمكىن ەمەس. بىزگە ناقتى قادام قاجەت. بۇل رەتتە ب ۇ ۇ قارارلارىنان ارتىق نە بولۋى مۇمكىن؟ ەگەر سىزدەر سوعىستى توقتاتۋعا شىن نيەتتى بولساڭىزدار، ب ۇ ۇ شەشىمدەرىن ورىنداۋ ءۇشىن يزرايلگە قىسىم كورسەتىڭىزدەر. ويتكەنى ادامدار قىرىلىپ جاتىر، انالار بالالارىنان، بالالار اتا- انالارىنان ايىرىلىپ جاتىر. ءبىز بۇل قانسىراعان جارانى توقتاتۋ ءۇشىن قانداي دا ءبىر قادام جاساۋعا تالپىنىپ جاتىرمىز. ەگەر امەريكا قۇراما شتاتتارى وسى ءتاسىلدى قولدانا باستاسا، يزرايلدى توقتاتۋ جەڭىلىرەك بولار ەدى»، - دەدى ەردوعان.
اۆتور
ەركەجان سماعۇلوۆا
