ەر-ريادتاعى ا ق ش-رەسەي كەلىسسوزى اياقتالدى
استانا. KAZINFORM - رەسەي دەلەگاتسياسىنىڭ مۇشەسى، فەدەراتسيا كەڭەسى حالىقارالىق ىستەر جونىندەگى كوميتەتىنىڭ باسشىسى گريگوري كاراسين رەسەيلىك-امەريكالىق كەلىسسوز اياقتالعانىن مالىمدەدى، دەپ حابارلايدى DW.
Dpa اگەنتتىگىنىڭ حابارلاۋىنشا، ساۋد ارابياسىنىڭ استاناسىنداعى امەريكالىق جانە رەسەيلىك دەلەگاتسيالاردىڭ كەزدەسۋى جابىق ەسىك جاعدايىندا ءوتىپ، 10 ساعاتتان استام ۋاقىتقا سوزىلعان. تاراپتاردىڭ قانداي دا ءبىر كەلىسىمدەرگە قول قويعانى تۋرالى ايتىلمادى.
تاسس اگەنتتىگىنىڭ حابارلاۋىنشا، رەسەي سىرتقى ىستەر ءمينيسترى سەرگەي لاۆروۆ 25-ناۋرىزدا تەلەارناعا بەرگەن سۇحباتىندا ەر-ريادتاعى كەلىسسوزدەردىڭ اسپەكتىلەرى تۋرالى ايتادى، دەپ حابارلادى ماريا زاحاروۆا.
امەريكا ۇكىمەتىنىڭ وتىرىسىندا ترامپ ساۋد ارابياسىندا ءوتىپ جاتقان كەلىسسوز بارىسى تۋرالى ايتتى. وندا ا ق ش دەلەگاتسياسى ۋكراينا جانە رەسەي وكىلدەرىمەن بولەك كەزدەسىپ جاتىر.
- ء دال قازىر ءبىز اۋماق تۋرالى ايتىپ وتىرمىز. ءبىز دەماركاتسيالىق سىزىق تۋرالى ايتىپ وتىرمىز. اڭگىمە ەنەرگەتيكا تۋرالى، ەلەكتر ستانسياسىنىڭ مەنشىگى تۋرالى. كەيبىر ادامدار ا ق ش بۇل ەلەكتر ستانسياسىنا يە بولۋى كەرەك دەيدى، ويتكەنى بىزدە تاجىريبە بار، - دەدى ترامپ.
وتكەن اپتادا ا ق ش شەنەۋنىكتەرى ۋكراينانىڭ اتوم ەلەكتر ستانسالارىنىڭ قورعالۋىن قامتاماسىز ەتۋ ءۇشىن ولاردى جەكە مەنشىككە الۋدى ۇسىندى. بۇعان جاۋاپ رەتىندە زەلەنسكي اتوم ەلەكتر ستانسيالارىنىڭ مەملەكەتكە تيەسىلى ەكەنىن، ءبىراق كيەۆ زاپوروجە اتوم ەلەكتر ستانسياسىنا امەريكالىق ينۆەستيتسيا سالۋدى قاراستىرۋى مۇمكىن ەكەنىن ايتتى.
سونداي-اق ا ق ش پرەزيدەنتى دونالد ترامپ كيەۆ پەن ۆاشينگتون جاقىن ارادا ۋكراينانىڭ سيرەك پايدالى قازبالاردى بىرلەسىپ ءوندىرۋ تۋرالى كەلىسىمگە قول قوياتىنىنا تاعى دا ۋادە بەردى.
