ەر ادام ساياباقتان 7-كاراتتى الماز تاۋىپ الدى
استانا. KAZINFORM – ا ق ش- تىڭ اركانزاس شتاتىنداعى پايك وكرۋگىندە ورنالاسقان «كراتەر دايموندس» مەملەكەتتىك ساياباعىنان ەر ادام جالپى سالماعى جەتى كاراتتان اساتىن باعالى تاس تاۋىپ الدى.
Fox News حابارلاۋىنشا، پاريج تۇرعىنى جيۋلەن ناۆاس امەريكادا جۇرگەنىندە «اركانزاس الماز كراتەرى» مەملەكەتتىك ساياباعى تۋرالى ەستىپ قاتتى قىزىقتى. ەر ادامنىڭ بۇل قىزىعۋشىلىعى بۇرىن التىن جانە تاسقا اينالعان اممونيت ىزدەۋمەن اينالىسقانىمەن بايلانىستى بولدى.
ج. ناۆاس ساياباقتا الماز ىزدەۋگە ارنالعان جيىنتىق ساتىپ الىپ، باعالى تاستاردى ىزدەۋگە كىرىستى. بىرنەشە ساعاتتان سوڭ ول تاپقان زاتتارىن ساياباقتىڭ المازداردى ىزدەۋ ورتالىعىنا اكەلىپ، سونىڭ اراسىنان سالماعى 7,46 كارات قوڭىر الماز انىقتالدى.
ج. ناۆاستىڭ ساياباققا كەلۋىنەن بىرنەشە كۇن بۇرىن وندا قاتتى جاڭبىر جاۋدى. ول توپىراقتىڭ ءبىر بولىگىن شايىپ جىبەرىپ، جەر بەتىندە اۋىر تاستار، مينەرالدار مەن المازداردىڭ كورىنۋىنە سەبەپ بولدى.
ج. ناۆاس بۇل تاستى قالىڭدىعى كاريننىڭ قۇرمەتىنە اتادى. ول تاستى ەكى بريلليانتقا قىرلاپ مانەرلەۋدى جوسپارلاپ، ءبىرىن قالىڭدىعىنا، ەكىنشىسىن قىزىنا سىيعا تارتپاق.
