قىزىلوردادا سيىردى جەڭىل كولىككە تيەگەن ۇرىلار ۇستالدى
قىزىلوردا. KAZINFORM - قىزىلوردالىق پوليتسەيلەر سيىردى جەڭىل كولىككە سالىپ العان مال ۇرىلارىن ۇستادى.
وقيعا قازالى اۋدانىنا قاراستى اقتان باتىر اۋىلىنىڭ تۇسىندا بولعان.
- كۇشەيتىلگەن تۇردە كەزەكشىلىكتە جۇرگەن پوليسيا قىزمەتكەرلەرى «قاۋىپسىز جول» ءىس- شاراسى بارىسىندا اقتان باتىر اۋىلىنا جاقىن جەردە ءوتىپ بارا جاتقان «Volkswagen» ماركالى كولىكتى توقتاتتى. تەكسەرۋ بارىسىندا پوليتسەيلەر كولىكتىڭ باگاجىندا جاتقان سيىردى كورەدى. ەكى ەر ادام سيىردى كورشى اۋىلدان ۇرلاپ، ساتۋعا اپارا جاتقاندىعى بەلگىلى بولدى. كۇدىكتىلەر ۋاقىتشا ۇستاۋ يزولياتورىنا قامالدى. اۆتوكولىك ايىپ الاڭىنا قويىلدى. ۇرلىق دەرەگى بويىنشا قىلمىستىق ءىس قوزعالىپ، تەرگەۋ جۇرگىزىلۋدە. كۇدىكتىلەردىڭ باسقا دا وسى تەكتەس دەرەكتەرگە قاتىستىلىعى تەكسەرىلۋدە، - دەپ ءمالىم ەتتى قىزىلوردا وبلىستىق پوليتسيا دەپارتامەنتىنەن.
