قىزىلوردادا جول-كولىك وقيعاسىنان كولىك ىشىندە قىسىلىپ قالعان ادام قۇتقارىلدى

وبلىستىق پوليتسيا دەپارتامەنتىنىڭ حابارلاۋىنشا، وقيعا 3-ناۋرىزدا ساعات 11.30 شاماسىندا تاۋەلسىزدىك داڭعىلى بويىندا بولعان. سول اۋماقتا «Volkswagen Passat» جانە «Chevrolet Cobalt» ماركالى اۆتوكولىكتەر سوقتىعىسىپ قالعان.

جول-كولىك وقيعاسى بويىنشا ءتيىستى قۇجاتتار جيناقتالىپ، ساراپتامالار تاعايىندالۋدا.

«توتەنشە جاعدايلار قىزمەتىنە جول-كولىك وقيعاسىنان 1 ادام قىسىلىپ قالعانى تۋرالى حابار ءتۇستى. وقيعا ورنىنا جەتكەن قۇتقارۋشىلار 1984 -جىلى تۋعان ازاماتتى «Volkswagen Passat» اۆتوكولىگىنەن اۆاريالىق-قۇتقارۋ قۇرالدارىن پايدالانىپ، شىعارىپ العاننان كەيىن جەدەل جاردەم قىزمەتىنە تاپسىردى»، - دەپ ءمالىم ەتتى قىزىلوردا وبلىستىق توتەنشە جاعدايلار دەپارتامەنتىنەن.

ەسكە سالساق، بۇدان بۇرىن قىزىلوردادا تالعا سوعىلعان جەڭىل كولىك تولىعىمەن جانىپ كەتتى.

اۆتور
ءادىلجان ۇمبەت

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى