قىزىلوردادا جۇك كولىگى قاققان ايەل وقيعا ورنىندا كوز جۇمدى
قىزىلوردا قالاسىندا بەلگىلەنبەگەن جەردەن وتكەن جاياۋ جۇرگىنشىنى جۇك كولىگى قاعىپ كەتتى. ول وقيعا ورنىندا قازا تاپتى، دەپ حابارلايدى Kazinform.
قىزىلوردا قالاسىنا قاراستى ج. ماحامبەتوۆ اۋىلىنىڭ تۇسىندا «سامارا- شىمكەنت» اۆتوماگيسترالدى تاس جولىندا 6-قازاندا ساعات 18:30 شاماسىندا 32 جاستاعى ازاماتشا بەلگىلەنبەگەن جەردى كەسىپ وتپەك بولعان.
«جاياۋ جۇرگىنشىنى «SCANIA» جۇك اۆتوكولىگى قاعىپ، سالدارىنان 32 جاستاعى ازاماتشا وقيعا ورنىندا كوز جۇمدى. وسى دەرەك بويىنشا ق ر قىلمىستىق كودەكسىنىڭ 345-بابىنىڭ 3-بولىگىمەن سوتقا دەيىنگى تەرگەپ-تەكسەرۋ ارەكەتتەرى جۇرگىزىلىپ جاتىر. ءتيىستى سوت ساراپتامالارى تاعايىندالدى. وقيعانىڭ ءمان- جايى انىقتالىپ جاتىر»، - دەپ ءمالىم ەتتى قىزىلوردا وبلىستىق پوليتسيا دەپارتامەنتىنەن.
پوليتسەيلەر جۇرگىزۋشىلەرگە دە، جاياۋ جۇرگىنشىلەرگە دە جولدا بارىنشا ساق بولۋدى ەسكەرتەدى.
