قىزىلوردادا ءبىر كۇندە 60 وتباسى ءۇيلى بولدى
قىزىلوردا. KAZINFORM - امال كۇنىندە قىزىلوردالىق 60 وتباسى قونىس تويىن تويلادى.
وبلىس اكىمى نۇرلىبەك نالىبايەۆ كەشە جاڭا قونىس يەلەرىنە قىزىلوردا قالاسىنداعى 60 پاتەرلىك تۇرعىن ءۇيدىڭ كىلتىن تابىستادى. ايماق باسشىسى ولاردى امال كۇنىمەن جانە الداعى ناۋرىز مەيرامىمەن قۇتتىقتاپ، وڭىردەگى اۋقىمدى جوبالارعا توقتالىپ ءوتتى.
- مەملەكەت باسشىسى قاسىم-جومارت كەمەل ۇلى حالىقتى تۇرعىن ۇيمەن قامتاماسىز ەتۋ مەملەكەتتىڭ الەۋمەتتىك ساياساتىنىڭ باسىم باعىتى ەكەنىن اتاپ ءوتتى. پرەزيدەنتىمىزدىڭ، ۇكىمەتتىڭ ەرەكشە قولداۋىنىڭ ارقاسىندا بۇگىندە وبلىسىمىزدىڭ بيۋدجەتى 750 ميلليارد تەڭگەگە جەتتى. وزدەرىڭىز بىلەسىزدەر، وسىدان ءۇش جىلداي ۋاقىت بۇرىن ايماق بيۋجەتى 364 ميلليارد تەڭگە بولاتىن. ءوسىم 206 پايىزدى قۇرادى. بۇل قوماقتى قاراجات ايماقتاعى ەڭ وزەكتى دەگەن ماسەلەلەردى شەشۋگە، تۇرعىنداردىڭ ءومىر ءسۇرۋ ساپاسىن جاقسارتۋعا جانە اۋقىمدى ينفراقۇرىلىمدىق جوبالاردى ىسكە اسىرۋعا جۇمسالۋدا. مەملەكەتتىڭ قولداۋىن سەزىنىپ، باسپانالى بولۋعا نيەت ەتكەن ءاربىر وتباسى ءۇشىن بۇگىن ايتۋلى كۇن! باسپانالى بولۋ وتباسىن، اسىرەسە، بالالاردى قۋانىشقا كەنەلتەدى. قونىس تويلارىڭىز قۇتتى بولسىن!، - دەدى وبلىس اكىمى.
ال ءبىز بۇعان دەيىن بيىل ەلىمىزدە رەكوردتىق كولەمدە تۇرعىن ءۇي پايدالانۋعا بەرىلەتىنىن ايتقانبىز.
