قىزىلوردادا بەس كۇندە وتباسى جانجالىنا بايلانىستى 4 قىلمىستىق ءىس تىركەلدى
قىزىلوردا. KAZINFORM - قىزىلوردا قالاسىندا 1-6-شىلدە ارالىعىندا وتباسى جانجالىنا بايلانىستى 4 قىلمىستىق ءىس تىركەلدى.
وبلىس ورتالىعىندا شىلدە ايىنىڭ 1-6 سى ارالىعىندا قىزىلوردا قالالىق پوليتسيا باسقارماسىنىڭ 102 ارناسىنا 59 وتباسى جانجالىنا بايلانىستى حابارلاما كەلىپ تۇسكەن.
«اتالعان حابارلامالار بويىنشا ق ر اكىمشىلىك قۇقىق بۇزۋشىلىق تۋرالى كودەكسىنىڭ 73-بابىنىڭ تالابىنا سايكەس 55 قۇقىق بۇزۋشىعا اكىمشىلىك شارا قولدانۋ ءۇشىن سوتقا جولداندى. سونداي-اق ق ر قىلمىستىق كودەكسىنىڭ 108-1-بابىمەن (دەنساۋلىققا قاساقانا جەڭىل زيان كەلتىرۋ دەرەگى) - 2، 109-1-بابىمەن (ۇرىپ-سوعۋ دەرەگى بويىنشا) - 2 قىلمىستىق ءىس تىركەلدى. ولار بويىنشا سوتقا دەيىنگى-تەرگەپ تەكسەرۋ جۇمىستارى جۇرگىزىلۋدە»، - دەپ ءمالىم ەتتى قىزىلوردا قالالىق پوليتسيا باسقارماسىنان.
ەسكە سالساق، بۇدان بۇرىن قىزىلوردادا جەڭىل كولىك پەن اۆتوبۋس سوقتىعىسىپ، ءبىر ادام قازا بولعانىن جازدىق.
اۆتور
ءادىلجان ۇمبەت
