قىزىلوردادا 7 جاستاعى قىزدىڭ اياعى جىلۋ باتارەياسىنا قىسىلىپ قالعان
قىزىلوردا. KAZINFORM - وقىس وقيعا 6-ءساۋىر كۇنى قىزىلوردا قالاسىنداعى تۇرعىن ۇيلەردىڭ بىرىندە بولعان.
وبلىستىق توتەنشە جاعدايلار دەپارتامەنتىنىڭ مالىمەتىنشە، ۇيدەگى جىلۋ رادياتورى قابىرعالارىنىڭ اراسىنا 7 جاستاعى قىزدىڭ اياعى كىرىپ كەتىپ، قىسىلىپ قالعان.
- شاقىرۋ بويىنشا وقيعا ورنىنا بارعان قۇتقارۋ جاساعىنىڭ قىزمەتكەرلەرى ارنايى گيدراۆليكالىق قۇرالمەن جىلۋ باتارەياسىنان قىز بالانىڭ اياعىن شىعارىپ الدى. بالا ومىرىنە ەشقانداي قاۋىپ تونگەن جوق، - دەلىنگەن حابارلامادا.
وسى ورايدا قۇتقارۋشىلار بالالارعا قاۋىپسىزدىك ەرەجەلەرىن ۇيرەتىپ، جالعىز قالدىرماۋعا كەڭەس بەرەدى.
ءبىز بۇعان دەيىن جەتىسۋ وبلىسىندا قۇتقارۋشىلار ورتەنگەن ۇيدەن قارت ادامدى امان الىپ شىققانىن حابارلاعانبىز.
اۆتور
نازەركە سانيازوۆا
