قىزىلوردا وبلىسىندا بيىل بەينەكامەرالاردىڭ كومەگىمەن 122 قىلمىس اشىلدى
استانا. KAZINFORM - قىزىلوردا وبلىسىندا جىل باسىنان بەرى بەينەكامەرالاردىڭ كومەگىمەن 122 قىلمىس اشىلدى.
102 موبيلدى قوسىمشاسىنا 22 حابارلاما كەلىپ ءتۇسىپ، ولاردىڭ بارلىعىنا ءتيىستى قىزمەت كورسەتىلدى. بەينەباقىلاۋشىلار ازاماتتاردان تۇسكەن حابارلامالاردى قابىلداۋ جانە وڭدەۋ بارىسىندا ايماقتاعى احۋالدى قاداعالاپ، قۇقىققا قارسى ارەكەتتەردى انىقتاۋ جانە الدىن الۋ باعىتىندا قىزمەت اتقارادى.
قىزىلوردا وبلىسىندا جىل باسىنان بەرى بەينەكامەرالاردىڭ كومەگىمەن 122 قىلمىس اشىلدى.
«جىل باسىنان بەرى بەينەباقىلاۋ كامەرالارىمەن 41 مىڭنان استام اكىمشىلىك قۇقىق بۇزۋشىلىق انىقتالىپ، ونىڭ ىشىندە 34 مىڭنان استام جول قوزعالىسى ەرەجەلەرىن بۇزۋ دەرەكتەرى انىقتالدى. «مۇلدەم توزبەۋشىلىك» قاعيداسىن قالىپتاستىرۋ ماقساتىندا بەينەباقىلاۋشى ينسپەكتورلار 3 مىڭنان استام ۇساق بۇزاقىلىق، قوعامدىق ورىندارعا ماساڭ كۇيدە كەلۋدىڭ 2 مىڭنان استام، قوعامدىق ورىنداردا ءتيىسۋدىڭ 300 دەرەگىن تىركەدى. ودان بولەك 2026 باسقا دا قۇقىق بۇزۋشىلىق انىقتالدى»، - دەپ ءمالىم ەتتى قىزىلوردا وبلىستىق پوليتسيا دەپارتامەنتىنەن.
ەسكە سالساق، بۇدان بۇرىن قىزىلوردالىق پوليتسەيلەر ەسىرتكى قىلمىسى بويىنشا كۇدىكتىنى ءتورت جىلدان كەيىن ۇستادى.
اۆتور
ءادىلجان ۇمبەت
