قىزىلشانىڭ تارالۋى بويىنشا جاعداي كۇردەلى - مينيسترلىك

«ەلىمىزدە قىزىلشانىڭ تارالۋى بويىنشا جاعداي كۇردەلى. جىل باسىنان بەرى 11057 دەرەك تىركەلدى. ونىڭ ىشىندە قىزىلشا جۇقتىرعاندار %83 ى 14 جاسقا دەيىنگى بالالار، %2,7 جاسوسپىرىمدەر جانە %13,8 ەرەسەكتەر. قىزىلشا اۋرۋى بارلىق وڭىردە تىركەلدى. اتاپ ايتقاندا الماتى قالاسىندا - 2031 جاعداي، شىمكەنت قالاسىندا - 2026 جاعداي، جامبىل وبلىسىندا 392 جاعداي جانە الماتى وبلىسىندا - 1111 جاعداي»، - دەدى ايجان ەساماعامبەتوۆ ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

ونىڭ ايتۋىنشا، قىزىلشا جۇقتىرعانداردىڭ دەنى ۆاكسينا الماعان.

«بۇل رەتتە، %60 دا بالالار ەگۋدەن باس تارتۋعا بايلانىستى، %18,3 دا - مەديتسينالىق قارسى كورسەتىلىم بويىنشا، %21 دا ەگۋ جاسىنا جەتپەۋىنە بايلانىستى ەگىلمەگەن. اۋرۋدىڭ الدىن الۋدىڭ بىردەن- ءبىر شاراسى ۆاكسيناتسيا بولىپ تابىلاتىنىن ەسكەرە وتىرىپ، قىزىلشانىڭ ودان ءارى تارالۋىن بولدىرماۋ ءۇشىن بالالاردى 6 ايدان باستاپ، سونداي- اق 2 جاستان 5 جاسقا دەيىنگى بالالاردى جانە مەديتسينا قىزمەتكەرلەرىن قوسىمشا ۆاكسيناتسيالاۋدى ەنگىزۋ جوسپارلانىپ وتىر»، - دەيدى ول.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى