قىزىلشاعا قارسى ۆاكسيناعا ۇكىمەت رەزەرۆىنەن اقشا جۇمسالادى

بۇل تۋرالى سانيتاريالىق- ەپيدەميولوگيالىق باقىلاۋ كوميتەتى ءتوراعاسىنىڭ ورىنباسارى زاۋرە احمەتوۆا ورتالىق كوممۋنيكاتسيالار قىزمەتىندە وتكەن باسپا ءسوز كونفەرەنسيادا ايتتى.

«قازان ايىنىڭ اياعىندا بىزدە قىزىلشاعا قارسى 370 مىڭ دوزا ۆاكسينا بولعان. قوسىمشا يممۋنيزاتسياعا 1,5 ميلليون ادام جاتاتىنىن ەسكەرۋ قاجەت. بۇل - جاسى 60 ايدان اسپاعان 353,7 مىڭ نارەستە، 2-4 جاس ارالىعىنداعى 944 مىڭ بالا. ەكپە الاتىن جاسىندا ۆاكسينا الماعان 65,3 بالاعا ەكپە جاساۋ كەرەك. ودان بولەك 136,8 مىڭ مەديتسينا قىزمەتكەرى بار. سوندىقتان ۇكىمەت رەزەرۆىنىڭ قاراجاتىنا تاعى 1 ميلليون دوزا ەكپە مەن شپريتس ساتىپ الىنادى. بۇدان بولەك 500 مىڭ دوزا ساتىپ الىنعان. وسى ايدىڭ ورتاسىنا قاراي قولىمىزعا ءتيۋى كەرەك»، - دەدى كوميتەت وكىلى.

ب ا ق وكىلى حالىق ىشىندە قىزىلشا ەكپەسىنە دەگەن سەنىم تومەن بولسا، مۇنشا ۆاكسينا ساتىپ الۋ قانشالىقتى ءتيىمدى ەكەنىن سۇرادى.

«مەن ولاي پەسسيميستىك تۇرعىدا ويلاماعان بولار ەدىم. ويتكەنى قازىر بالاسىنا ەكپە سالعىزۋشىلار كوپ. بۇگىننىڭ وزىندە جاسى 6-11 اي ارالىعىنداعى 14 مىڭنان استام بالا ۆاكسينا الدى»، - دەدى زاۋرە احمەتوۆا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى