قىزىلشا جۇقتىرعان 29 بالا جانساقتاۋ بولىمىندە جاتىر
انا مەن بالا دەنساۋلىعىن ساقتاۋ دەپارتامەنتى ديرەكتورىنىڭ ورىنباسارى ايگەرىم وسپانوۆا ورتالىق كوممۋنيكاتسيالار قىزمەتىندە قىزىلشا جۇقتىرعان 29 بالانىڭ جانساقتاۋ بولىمىندە جاتقانىن ءمالىم ەتتى، دەپ حابارلايدى Kazinform.
«بالالارعا كەلسەك، نەگىزى 2079 بالا ستاتسيونارلىق ەم الىپ جاتىر. كۇندەلىكتى 300 دەن استام بالا شىعارىلىپ، 400 گە جۋىق بالا ءتۇسىپ جاتىر. ونىڭ ىشىندە 2911 توسەك ورنى بار. بۇل بالالارعا بەلگىلەنگەن. ونىڭ ىشىندە 139 رەانيماتسيالىق توسەك بار. قازىر ول توسەكتەردىڭ پايدالانىلۋى - 52 پايىز. بۇگىنگى تاڭداعى جاعداي بويىنشا 29 بالا رەانيماتسيادا بولدى. ونىڭ ىشىندە 11 ءى ءبىر جاسقا دەيىنگى بالا، 13 ى ءۇش جاسقا دەيىنگى بالا»، - دەدى ول.
ماماننىڭ سوزىنشە، بۇل بالالاردىڭ جاعدايىنا تۇراقتى مونيتورينگ تاعايىندالعان.
«سوندىقتان ءار بالانىڭ حال- جاعدايى باقىلاۋدا ۇستالىپ، وڭىرلەرگە قاجەتتى كونسۋلتاتسيالار جۇرگىزىلەدى. بۇل 29 بالانىڭ جاعدايى ورتاشا دەپ بەلگىلەنگەن. سونىمەن قاتار كۇندەلىكتى گرافيك بويىنشا بۇكىل مەديتسينالىق ۇيىم دارىگەرلەرىن وقىتىپ جاتىرمىز»، - دەدى ايگەرىم وسپانوۆا.
