قىزىل شاراپتان نەگە باس اۋىرادى - عالىمدار جاڭا زەرتتەۋ جاسادى
امەريكالىق عالىمدار ءبىر بوكال قىزىل شاراپ ىشكەن كەي ادامداردىڭ نەلىكتەن باس اۋىراتىنى تۋرالى جاڭا گيپوتەزا جاسادى. بۇدان بولەك، ولاردىڭ تەورياسىنا سايكەس، ارزان شاراپقا قاراعاندا قىمبات شاراپ ىشكەن ادامنىڭ باسى كوبىرەك اۋىرۋى كەرەك. قازاقپارات اگەنتتىگى بۇل تۋرالى BBC-گە سىلتەمە جاساپ حابارلايدى.
كاليفورنيا ۋنيۆەرسيتەتى زەرتتەۋشىلەرىنىڭ پىكىرىنشە، قىزىل شاراپ ىشكەننەن كەيىن باس اۋرۋى قارا ءجۇزىم قۇرامىنداعى كۆەرتسەتين دەپ اتالاتىن انتيوكسيدانتتان بولادى.
Scientific Reports جۋرنالىندا جاريالانعان ماقالاعا سايكەس، ونىڭ ادام اعزاسىندا بولۋى الكوگول مەتابوليزمىنە تەرىس اسەر ەتەدى.
كراۋدفاندينگ ەسەبىنەن قارجىلاندىرىلعان زەرتتەۋ اۆتورلارىنىڭ اتاپ وتۋىنشە، ءجۇزىم ءوسىپ جاتقاندا وعان كۇن ساۋلەسى نەعۇرلىم كوپ تۇسسە، قۇرامىندا كۆەرتسەتين سوعىرلىم كوپ بولىنەدى.
ياعني، باس اۋرۋىنا بەيىم ادامدار ءۇشىن بۇل تۇرعىدان قىمبات شاراپ ارزان شاراپقا قاراعاندا زيان بولۋى مۇمكىن، دەيدى زەرتتەۋ اۆتورلارىنىڭ ءبىرى، پروفەسسور ەندريۋ ۋوتەرحاۋس.
«ارزان ءجۇزىم بورىكباسى قالىڭ ۇلكەن ءجۇزىم بۇتالارىندا وسىرىلەدى، سوندىقتان ولارعا كۇن كوپ تۇسپەيدى، ال جوعارى ساپالى ءجۇزىم جاپىراعى ازىراق بۇتالاردا وسەدى»، - دەپ ءتۇسىندىردى ول.
الايدا باسقا ساراپشىلار قىمبات شاراپقا قاراعاندا ارزان شاراپتى ماقتاۋدان تارتىنىپ وتىر.
لوندونداعى پاتشايىم ماريا ۋنيۆەرسيتەتىنىڭ تاجىريبەلىك تەراپيا سالاسىنداعى ساراپشى، پروفەسسور رودجەر كوردەردىڭ اتاپ وتۋىنشە، قوعامدىق تۇتىنۋعا ارنالعان ارزان شاراپ دايىنداۋدا باس اۋرۋىن تۋعىزۋى مۇمكىن قوسپالار قولدانىلادى.
بۇل - شاراپ جاساۋ پروتسەسىن تەزدەتەتىن پەكتينازا، سونداي-اق ديمەتيلديكاربونات دەپ اتالاتىن كونسەرۆانت.
پروفەسسور كوردەر ولاردىڭ ىدىراۋىنىڭ ءونىمى مەتانول ەكەنىن اتاپ ءوتىپ، ءتيىستى عىلىمي زەرتتەۋ جۇرگىزۋگە شاقىردى.
«ءبىز مىڭجىلدىق قۇپيانى ءتۇسىندىرۋدىڭ دۇرىس جولىندا كەلە جاتىرمىز. كەلەسى قادام - باس اۋرۋىنا بەيىم ادامداردا بۇل تەوريانى عىلىمي تۇردە سىناۋ، سوندىقتان جاڭالىق قاراي جۇرىڭىزدەر، - دەيدى زەرتتەۋدىڭ بىرلەسكەن اۆتورى، نيەۆرولوگيا ساراپشىسى جانە كاليفورنيا ۋنيۆەرسيتەتىنىڭ باس اۋرۋى ورتالىعىنىڭ ديرەكتورى، پروفەسسور مورريس ليەۆين.
