قىزدار سۋرەتكە قالاي تۇسەدى؟

ونداي ادامداردى سۋرەتكە تۇسىرگەن كەزدە «سۋرەتكە تۇسە المايتىن ەدىم»، «ءماسساعان مەن ۇيالامىن»، «مەنى تۇسىرمەي-اق قويشى»، «فوتو اپپاراتتى اكەلىڭدەر مەن تۇسىرەيىنشى» دەگەن سوزدەردى ءجيى ەستۋگە بولادى.

كوپ ادام كامەرانىڭ الدىندا ءوزىن جايسىز سەزىنىپ، بۇكىل الەمنىڭ نازارىندا تۇرعانداي كۇي كەشەدى. دەنەسىن قالاي دۇرىس ۇستارىن بىلمەيدى. ول بالا كەزىنەن قالىپتاسقان ۇياڭدىعىمەن تۇسىندىرىلەدى. سۋرەتكە جاقسى ءتۇسۋ كوپ جاعدايدا كوڭىل-كۇيگە دە بايلانىستى.

سۋرەتكە جاقسى ءتۇسۋ ءۇشىن مىندەتتى تۇردە جاتتاندى «دەنە تۇرىسىن» قولدانۋ كەرەك ەمەس. باستىسى «تولقىنعا» ىلەسۋ. مۇنىمەن قاتار فوتوگرافتىڭ كىم بولاتىنىنا دا بايلانىستى. بارلىق ادام بىردەي بولماعاندىقتان، ولاردىڭ ءارقايسىسىن جەكە تۇلعا رەتىندە قابىلداپ، ەڭ جاقسى دەگەن ساتتەردى ءتۇسىرىپ ۇلگەرۋى ءتيىس.

مامانداردىڭ ايتۋىنشا، بۇرىن-سوڭدى سۋرەتكە كوپ ءتۇسىپ كورمەگەن ادامداردى ۇيرەتۋ وتە وڭاي. ارينە، باستاپقىدا كامەرادان قىسىلىپ، ءبىراز ۋاقىتقا دەيىن ۇيالادى. ءبىراق ارتىنشا جىدام ۇيرەنىپ كەتەدى. ەندى سۋرەتكە ءتۇسۋ كەزىندە جىبەرىلەتىن قاتەلىكتەرگە توقتالايىق.

ەڭ الدىمەن ماجبۇرلىلىك پەن قوزعالىسسىزدىقتان ارىلۋ كەرەك. مۇندايعا كوپ جاعدايدا وزىنە سەنىمسىز جاندار ۇرىنادى. سول سەبەپتى ەڭ العاشقى سۋرەتتى «جاي تۇرىستاردان» باستاۋ كەرەك.

1) ەگەر قولىڭىزبەن بەتىڭىزدى ۇستاپ تۇسكىڭىز كەلسە، ولاردى تيگىزبەي، بەت اينالاسىندا عانا ۇستاۋعا تىرىسىڭىز. جانە ادام كامەراعا جاقىنداعان سايىن تولىق بولىپ كورىنەتىنىن ەسكەرىڭىز.

2) ەكى قولدى جوعارى كوتەرگەن كەزدە دەنەگە قاتتى جاقىنداتۋدىڭ، بوساڭسىتىپ ۇستاۋدىڭ قاجەتى جوق. ولار سۋرەتتە نەعۇرلىم جەڭىل ءارى جيناقى كورىنۋى كەرەك.

3) ارينە، سۋرەتكە ءتۇسىپ تۇرعان ساتتە مايدا دەتالداردى ەسكەرۋ قيىن، الايدا قولدى ايقاستىرعان كەزدە ولاردىڭ ەكەۋى دە كورىنىپ تۇرعانى ادەمى كورىنەدى.

4) سۋرەتتە ءوزىڭىزدىڭ قارسىلىعىڭىزدى كورسەتكىڭىز كەلسە دە، قولىڭىزبەن بەتىڭىزدى جاپپاڭىز.

5) مويىندى اقىرىن عانا بۇرساڭىز، سۋرەتتە كورسەتىلگەن قىزىل شەڭبەردىڭ ىشىندە اجىمدەر پايدا بولادى. ول، ءتىپتى، ءسىزدىڭ جاسىڭىزعا دا بايلانىستى ەمەس. سول سەبەپتى مويىندى تولىعىمەن بۇرعان ءجون.

6) بۇلاي تۇسەتىن قىزداردى جىگىتتەر قاۋىمى ۇناتا بەرمەيدى. سوندىقتان دا تاڭداۋ ەركى وزىڭىزدە.

7) كوزىڭىزدى تولىعىمەن اشىپ تۇسۋگە تىرىسىڭىز.

8) جانە سوڭعى ەرەجەمىز يەگىڭىزدى كوتەرمەڭىز. بۇل بەت-ءپىشىنىڭىزدىڭ ادەمىلىگىن جاسىرادى.

ال ءسىز سۋرەتكە تۇسكەن كەزدە قانداي قاتەلىكتەر جىبەرەسىز؟

دايىنداعان: قارلىعا بۇيەنباي

massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى