قيىر شىعىستاعى ءۇش ەلدىڭ ساۋدا مينيسترلەرىنىڭ كەزدەسۋى بەس جىلدان سوڭ قايتا جاڭعىردى

كەزدەسۋگە وڭتۇستىك كورەيانىڭ ساۋدا، ونەركاسىپ جانە ەنەرگەتيكا ءمينيسترى ان دوك گىن، قىتايدىڭ ساۋدا ءمينيسترى ۆان ۆەنتاو جانە جاپونيانىڭ ەكونوميكا، ساۋدا جانە يندۋستريا ءمينيسترى مۋتو يەدزي قاتىستى.

تاراپتار ايماقتىق جانە جاھاندىق ەكونوميكالىق تۇراقتىلىقتى ساقتاۋ جولىندا ءۇشجاقتى ىنتىماقتاستىقتى نىعايتۋدىڭ ماڭىزدىلىعىن اتاپ كورسەتىپ، ساۋدا-ەكونوميكالىق سالاداعى سەرىكتەستىكتى كەڭەيتە تۇسۋگە كەلىستى. سونىمەن قاتار، مينيسترلەر جاھاندىق ساۋدا، ونەركاسىپ، ەنەرگەتيكا جانە ءوزارا ىنتىماقتاستىق ماسەلەلەرى جونىندە پىكىر الماستى.

تاراپتار دۇنيەجۇزىلىك ساۋدا ۇيىمىن (د س ۇ) رەفورمالاۋ، «وڭىرلىك جان-جاقتى ەكونوميكالىق ارىپتەستىك كەلىسىمىنە» (RCEP) جاڭا مۇشە قابىلداۋ سەكىلدى كوپجاقتى ساۋدا جۇيەسى اياسىنداعى ىنتىماقتاستىقتى نىعايتۋعا كەلىستى. سونداي-اق، تاراپتار جان-جاقتى ءارى «جوعارى دەڭگەيلى» وڭتۇستىك كورەيا-قىتاي-جاپونيا ەركىن ساۋدا كەلىسىمىن (FTA) جاساسۋ ءۇشىن بىرلەسىپ جۇمىس ىستەۋگە ۋاعدالاستى. بۇعان قوسا، مينيسترلەر بيزنەستىڭ دامۋىنا قولايلى جاعداي جاساۋ، جەتكىزۋ تىزبەگىنىڭ تۇراقتىلىعىن ساقتاۋ، ەكسپورتتىق باقىلاۋعا قاتىستى ىنتىماقتاستىقتى كۇشەيتۋ، سونداي-اق جاسىل جانە سيفرلىق ەكونوميكانى دامىتۋ باعىتىندا تىعىز سەرىكتەستىك ورناتۋعا كەلىستى.

كەزدەسۋ ترامپ اكىمشىلىگىنىڭ ساۋدا سەرىكتەستەرىنە «ءوزارا تاريفتەر» ەنگىزۋ تۋرالى باستاماسى كۇشىنە ەنۋدىڭ قارساڭىندا ءوتتى. كەزدەسۋدىڭ باستى ماقساتى - ورتاق مۇددەلەرگە نەگىزدەلگەن ەركىن ساۋدا ءتارتىبىن جەتىلدىرۋ ءۇشىن ءۇش ەلدىڭ ءتيىستى سىناقتارعا قالاي جۇمىلا قارسى تۇرۋى كەرەكتىگىن تالقىلاۋ. مينيسترلەر، جالپى العاندا، حالىقارالىق ەرەجەلەرگە نەگىزدەلگەن جاھاندىق ەركىن ساۋدا جۇيەسى اياسىندا تۇراقتى ساۋدا ءتارتىبىن ساقتاپ قالۋعا مۇددەلى ەكەندىكتەرىن ءبىلدىردى.

ايتا كەتەيىك، بۇعان دەيىنگى كورەيا، قىتاي جانە جاپونيا ساۋدا مينيسترلەرىنىڭ كەزدەسۋى 2019 -جىلدىڭ جەلتوقسانىندا بەيجىڭدە وتكەن ەدى. قىتاي قوعامدىق عىلىمدار اكادەمياسىنىڭ جاپونيانى زەرتتەۋ ينستيتۋتىنىڭ (https://m.huanqiu.com/article/4M4uZ2eW8h4) اعا عىلىمي قىزمەتكەرى لۋ حاونىڭ ايتۋىنشا، وتكەن بەس جارىم جىلدا كوروناۆيرۋس پاندەمياسىنىڭ ءورشۋى سالدارىنان قىتاي، وڭتۇستىك كورەيا جانە جاپونيا ءۇشجاقتى مەحانيزمى، ءىس جۇزىندە، ءۇزىلىپ قالعان بولاتىن. سونداي-اق، وڭتۇستىك كورەيا مەن جاپونيانىڭ ا ق ش ساياساتىن قولداپ، قىتايعا قارسى ارەكەت ەتۋى، ا ق ش، جاپونيا جانە وڭتۇستىك كورەيا اراسىنداعى ءۇشجاقتى ىنتىماقتاستىقتىڭ كۇشەيۋى سولتۇستىك- شىعىس ازيانىڭ قاۋىپسىزدىك جاعدايىن شيەلەنىستىرىپ جىبەرگەن ەدى. بۇعان قوسا، وڭتۇستىك كورەيا مەن جاپونيانىڭ ىشكى ساياساتىنداعى وزگەرىستەر دە ۇش ەل اراسىنداعى ىنتىماقتاستىقتىڭ توقىراۋىنا اكەلدى.

- دەي تۇرعانمەن، دونالد ترامپتىڭ جاڭا ساياساتى ا ق ش- تىڭ ازياداعى باستى وداقتاستارى - جاپونيا مەن وڭتۇستىك كورەيانىڭ الاڭداۋشىلىعىن كۇشەيتتى. ا ق ش تاراپىنان كەلەتىن قىسىمدى باسەيتۋ ءۇشىن سەۋل مەن توكيو ايماقتىق ىنتىماقتاستىقتى قايتا جانداندىرىپ، قىتايمەن ءوزارا بايلانىسىن جاقسارتۋى كەرەك، وزگە جول جوق، - دەدى لۋ حاو.

ايتا كەتەيىك، بۇعان دەيىن ءسىبىر مەن قيىر شىعىستا 100-گە جۋىق ەلدى مەكەن تۇتىنگە تۇنشىعىپ وتىرعانىن جازعانبىز.

اۆتور

ەرلان مازان

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى