قىتايمەن 20-دان استام وزەن، سونىڭ ىشىندە ەرتىس جانە ىلە وزەندەرى بويىنشا كەلىسسوزدەر جۇرگىزىلۋدە
استانا. قازاقپارات - قازاقستان سۋ ديپلوماتياسىن بەلسەندى دامىتۋدى جالعاستىرۋدا. بيىل ەلىمىز حالىقارالىق ارالدى قۇتقارۋ قورىنا ءۇش جىلدىق ءتوراعالىق ەتۋدى باستادى جانە كورشىلەرمەن سۋمەن جابدىقتاۋ ماسەلەلەرى بويىنشا ماڭىزدى كەلىسسوزدەر جۇرگىزدى.
جىل باسىنان بەرى قىتايمەن، رەسەيمەن جانە ورتالىق ازيا ەلدەرىمەن ترانسشەكارالىق وزەندەر بويىنشا 35-كە جۋىق وتىرىس وتكىزىلدى. قىرعىزستانمەن جانە وزبەكستانمەن شۋ، تالاس جانە سىرداريا ترانسشەكارالىق وزەندەرى ارقىلى قازاقستانعا سۋ بەرۋ تۋرالى ۋاعدالاستىققا قول جەتكىزىلدى. قىتايمەن 20-دان استام وزەن، سونىڭ ىشىندە ەرتىس جانە ىلە وزەندەرى بويىنشا كەلىسسوزدەر جۇرگىزىلۋدە.
ترانسشەكارالىق سۋ رەسۋرستارىن ءادىل بولۋگە ىقپال ەتەتىن حالىقارالىق سۋ اعىندارىن كەمە قاتىناسىنان باسقاشا پايدالانۋ تۇرلەرىنىڭ قۇقىعى تۋرالى ب ۇ ۇ كونۆەنتسياسىنا قازاقستاننىڭ قاتىسۋى ماڭىزدى قادام بولدى.
24.kz
