قىتايشاڭىز جاقسى، ءبىراق پرەزيدەنتتىكىندەي ەمەس - ق ح ر ءمينيسترى Kazinform تىلشىسىنە
قىتايدىڭ الەۋمەتتىك جەلىلەرىندە قازاقستاندىق جۋرناليست پەن قىتاي سىرتقى ىستەر ءمينيسترى اراسىنداعى ديالوگتىڭ ۆيدەوسى تارالىپ جاتىر، دەپ حابارلايدى Kazinform.
اتاپ ايتقاندا، Kazinform ءتىلشىسى رۋسلان سۇلەيمەنوۆ قىتاي سىرتقى ىستەر ءمينيسترى ۋڭ يگە سۇراق قويادى:
«بۇگىن قىتاي «ءبىر بەلدەۋ، ءبىر جول» باستاماسىن جوعارى ساپالى دامۋدىڭ جاڭا كەزەڭىنە ىلگەرىلەتۋگە باستامالارىن جاريا ەتتى. مەن قىتايدىڭ وسى جاڭا كەزەڭنىڭ بولاشاعىنا قالاي قارايتىنىن بىلگىم كەلەدى».
ۋاڭ ي ءتىلشى ساۋالىنا جاۋاپ بەرمەس بۇرىن:
«ءسىزدىڭ قىتاي ءتىلىن ءبىلۋ دەڭگەيىڭىز وتە جاقسى ەكەن، دەسە دە پرەزيدەنت مىرزامەن (رەد: قاسىم-جومارت توقايەۆ) سالىستىرعاندا ءالى دە جەتكىلىكسىز، بۇل تالپىنىسىڭىزدى جالعاستىرا بەرىڭىز»، - دەدى.
سودان كەيىن مينيستر قىتاي ءتوراعاسى شي جينپيڭنىڭ «ءبىر بەلدەۋ، ءبىر جول» باستاماسىنىڭ جاڭا كەزەڭگە شىعاتىنى تۋرالى مالىمدەمەسى وتە ماعىنالى جانە بولاشاقتا حالىقارالىق ىنتىماقتاستىقتى باعدارلاۋعا ماڭىزدى اسەر ەتەتىنىن ايتتى.
اۆتور
مۇحتار مۇرات
