قىتايدىڭ قازاقستاندا پايدالانىلاتىن قۇجاتتارىنا قاتىستى ەرەجە وزگەردى
ق ر سىرتقى ىستەر مينيسترلىگى قىتاي حالىق رەسپۋبليكاسىندا بەرىلگەن رەسمي قۇجاتتارعا اپوستيل قويۋ تۋرالى اقپارات تاراتتى، دەپ حابارلايدى قازاقپارات.
2023 -جىلعى 8 - ناۋرىزدا قىتاي حالىق رەسپۋبليكاسى 1961 -جىلعى 5 - قازاندا گااگادا جاسالعان شەتەلدىك رەسمي قۇجاتتاردى زاڭداستىرۋ تالابىن جوياتىن كونۆەنسياعا قوسىلدى. كونۆەنسيا ق ح ر- عا قاتىستى 2023 -جىلعى 7- قاراشادان باستاپ كۇشىنە ەنەدى.
كونۆەنسيا كۇشىنە ەنگەن ساتتەن باستاپ قىتايدىڭ قازاقستاندا پايدالانۋ ءۇشىن بەرەتىن رەسمي قۇجاتتارى بۇدان بىلاي كونسۋلدىق زاڭداستىرۋ راسىمىنەن وتپەيدى، ونىڭ ورنىنا قوسىمشا سەرتيفيكاتتار (اپوستيل) بەرىلەتىن بولادى. سەرتيفيكاتتار (اپوستيل) وعان ەلتاڭبالى كۇمىس ءتۇستى ءمور بەكىتىلگەن جاپسىرما تۇرىندە رەسىمدەلەدى (جاپسىرما جانە ءمور فورماتى قوسا بەرىلگەن) - دەلىنگەن اقپاراتتا.
قىتاي س ءى م- ءى مەملەكەت ىشىندە سەرتيفيكاتتار (اپوستيل) بەرۋ بويىنشا ۋاكىلەتتى ورگان. قىتايدىڭ سىرتقى ىستەر مينيسترلىگىنىڭ تاپسىرماسىنا سايكەس قىتايدىڭ ورتالىق ۇكىمەتىنە تىكەلەي باعىناتىن ءتيىستى پروۆينتسيالاردان، اۆتونوميالىق اۋدانداردان جانە مۋنيتسيپاليتەتتەردەن تىس، سىرتقى ىستەر مينيسترلىگى جانە مۋنيتسيپالدى حالىق ۇكىمەتىنىڭ كەيبىر سىرتقى ىستەر كەڭسەلەرى وزدەرىنىڭ اكىمشىلىك اۋداندارىندا بەرىلگەن رەسمي قۇجاتتارعا سەرتيفيكاتتار (اپوستيل) بەرە الادى. كونۆەنتسيا بۇرىنعىداي ق ح ر گونكونگ ارنايى اكىمشىلىك اۋدانى مەن ماكاو ارنايى اكىمشىلىك اۋدانىنا قولدانىلا بەرەدى. سونىمەن قاتار، قىتاي ۇكىمەتى سەرتيفيكاتتاردى تەكسەرۋدىڭ قوسىمشا تەتىگىن جاسادى. ق ح ر س ءى م جانە جەرگىلىكتى سىرتقى ىستەر كەڭسەلەرى بەرگەن قوسىمشا سەرتيفيكاتتار (اپوستيل) ارنايى سايت ارقىلى تەكسەرىلۋى مۇمكىن. اپوستيل ۇلگىسى بەرىلدى.
www.24.kz
