قىتايدىڭ «نەجا 2» فيلمى الەمدىك كاسسا بويىنشا جاڭا رەكورد ورناتتى
استانا. KAZINFORM - قىتايلىق انيماتسيالىق فيلم پروكاتتا 168 ميلليون دوللاردان استام تابىس تاۋىپ، الەمدىك رەكورد ورناتتى، دەپ حابارلايدى شينحۋا اقپارات اگەنتتىگى.
قىتاي ميفولوگياسىنا بەيىمدەلگەن «نەجا 2: ءىبىلىس بالالارىنىڭ مۇحيتتاعى شايقاسى» انيماتسيالىق فيلمىنىڭ جيىنتىق كاسساسى (كورسەتىلىمدەر مەن الدىن الا ساتىلىمداردى قوسقاندا) 12,3 ميلليارد يۋاننان اسىپ（شامامەن 168 ميلليون دوللار) ، گولليۆۋدتىڭ «Inside Out 2» انيماتسيالىق فيلمىن باسىپ وزدى جانە الەمدىك انيماتسيالىق فيلمدەر كاسساسى تىزىمىندە ءبىرىنشى ورىندى يەلەندى.
بۇل ازيا تاريحىنداعى مۇنداي ناتيجەگە قول جەتكىزگەن العاشقى «گولليۆۋدتىق ەمەس فيلم».
سونىمەن قاتار بۇل قىتاي كينولارىنىڭ تاريحىنداعى 10 ميلليارد يۋاننان استام كاسسا جيناعان العاشقى فيلم.
«نەجا 2» حيكاياسى قىتايدىڭ ءداستۇرلى ميفتەرى مەن اڭىزدارىنا نەگىزدەلىپ، باتىر بالانىڭ تاعدىر مەن ەرىك- جىگەر توڭىرەگىندە تاڭداۋىن باياندايدى.
قىتاي اقپارات قۇرالدارىنىڭ حابارلاۋىنشا، بۇل فيلمدى تۇسىرۋگە بارلىعى 138 انيماتسيالىق كومپانيا مەن 4000 نان استام انيماتور قاتىسقان.
فيلمدى تۇسىرۋگە 5 جىل كەتتى.
2025 -جىلعى «قىتاي انيماتسيا يندۋسترياسىنىڭ ا ق قۇجاتىنا» سايكەس، قىتاي الەمدەگى ەڭ ءىرى انيماتسيا ءوندىرىسىنىڭ بازالارىنىڭ بىرىنە اينالدى جانە 3D انيماتسياسىندا، كورنەكى ارنايى ەففەكتىلەردە جانە باسقا سالالاردا مول تاجىريبە جيناقتاعان.
