قىتايدىڭ ۆاليۋتا قورى 3,21 تريلليون دوللارعا دەيىن ءوستى
استانا. KAZINFORM - بۇعان قىتايدىڭ مەملەكەتتىك ۆاليۋتا باسقارماسى (SAFE) جاريالاعان مالىمەتتەر دالەل، دەپ حابارلايدى Kazinform ءتىلشىسى.
2025 -جىلدىڭ قاڭتار ايىنىڭ سوڭىنداعى جاعداي بويىنشا قىتايدىڭ ۆاليۋتالىق قورى 2024 -جىلدىڭ جەلتوقسان ايىنىڭ سوڭىنداعى كورسەتكىشپەن سالىستىرعاندا 6,7 ميلليارد دوللارعا نەمەسە %0,21 عا ارتىپ، 3,209 تريلليون دوللار بولدى.
- ا ق ش دوللارىنىڭ يندەكسى وتكەن ايدا تومەندەدى. ال الەمدىك قارجى اكتيۆتەرىنىڭ باعاسى جەتەكشى ەكونوميكالاردىڭ ماكروەكونوميكالىق دەرەكتەرى مەن اقشا- نەسيە ساياساتىنىڭ اسەرىنەن ءوستى، - دەلىنگەن قىتاي رەتتەۋشىسىنىڭ مالىمدەمەسىندە.
مالىمدەمەدە سونداي- اق قاڭتاردا ۆاليۋتا قورىنىڭ ۇلعايۋى ۆاليۋتا باعامىن اۋىستىرۋ مەن اكتيۆ باعاسىنىڭ وزگەرۋى اسەرىنەن بولعانى ايتىلعان.
- قىتاي ەكونوميكاسى تۇراقتى جۇمىس ىستەۋ جانە جاقسارتۋ تەندەنتسياسىن ساقتاۋدا، بۇل ەلدىڭ ۆاليۋتالىق رەزەرۆتەرىنىڭ تۇراقتى كولەمىن قامتاماسىز ەتەدى، - دەپ اتاپ ءوتتى قىتاي حالىق رەسپۋبليكاسىنىڭ مەملەكەتتىك ۆاليۋتا كوميتەتى.
