قىتايدىڭ 6 اسكەري كەمەسى تاياۋ شىعىستا
قازىرگى ۋاقىتتا تاياۋ شىعىس ايماعىندا قىتايدىڭ التى اسكەري كەمەسى بار، دەپ حابارلايدى Kazinform بۇل تۋرالى The Messenger ارناسىنا سىلتەمە جاساپ.
قىتاي حالىقتىق-ازاتتىق ارمياسى وتكەن اپتانىڭ باسىندا ومانعا ساپارى كەزىندە ومان اسكەري-تەڭىز كۇشتەرىمەن بىرلەسكەن اسكەري جاتتىعۋلارعا قاتىسقانى تۋرالى حابارلادى.
ءارى قاراي قىتاي ارمياسىنىڭ دەلەگاتسياسى كۋۆەيتكە «ەرىكتى تۇردە بەس كۇندىك ساپار» وتكىزۋ ءۇشىن باردى.
«ومانعا ساپارىن ءساتتى اياقتاعاننان كەيىن قىتايدىڭ 44- اسكەري-تەڭىز جەدەل توبى 18- قازان كۇنى تاڭەرتەڭ جوسپارلانعان بەس كۇندىك ەرىكتى ساپارىمەن كۋۆەيتتەگى شۋۆايح پورتىنا كەلدى»، - دەلىنگەن قىتاي قورعانىس مينيسترلىگىنىڭ مالىمدەمەسىندە.
South China Morning Post باسىلىمى 44-اسكەري-تەڭىز جەدەل توبى «التى اي بۇرىن سوماليدىڭ سولتۇستىگىندەگى ادەن شىعاناعىنا كەلگەننەن بەرى كەمەلەردى سۇيەمەلدەۋ ميسسيالارىنا قاتىسقانىن» حابارلادى، ءبىراق وسى جىلدىڭ باسىندا 45-جەدەل ەسكورت توبى بۇل مىندەتتەن بوساتىلعان.
اقپارات اگەنتتىگىنىڭ حابارلاۋىنشا، ايماقتاعى اسكەري كەمەلەر اراسىندا 052D ءتيپتى باسقارىلاتىن زىمىران ەسمينەتسى «تسزىبو»، «تسزينچجوۋ» فرەگاتى جانە تسيانداوحۋ جەتكىزۋ كەمەسى بار.
قىتاي اسكەري كەمەلەرى ايماققا يزرايل مەن حاماس اراسىنداعى قاقتىعىستىڭ ءۇش اپتا بويى جالعاسۋىنا بايلانىستى ورنالاستىرىلدى.
يزرايل مەن حاماس ءۇشىن باستى باسىمدىق - «قاقتىعىستىڭ كەڭەيۋىنە نەمەسە باقىلاۋدان شىعىپ كەتۋىنە جانە اۋىر گۋمانيتارلىق داعدارىستىڭ پايدا بولۋىنا جول بەرمەۋ ءۇشىن اتىستى تەزىرەك توقتاتۋ» بولۋى كەرەك دەپ كەلتىرەدى South China Morning Post قىتاي پرەزيدەنتى شي جينپيڭنىڭ ءسوزىن.
بۇل قادام ا ق ش- تىڭ جەرورتا تەڭىزىنىڭ شىعىسىنداعى «دۋايت د. ەيزەنحاۋەر» ەڭ ءىرى اسكەري كەمەسىنىڭ جانە بۇرىن قۇراستىرىلعان جويقىن «دجەرالد ر. فورد» اۋە كەمەسىن ورنالاستىرۋىنا بايلانىستى جاسالدى.
بۇعان قوسا، ا ق ش USS Normandy كرەيسەرىن جانە USS Thomas Hudner ،USS Ramage USS Carney جانە USS Roosevelt ەسمينەتستەرىن جىبەرۋدە. Associated Press- ءتىڭ حابارلاۋىنشا ا ق ش سونداي-اق، ايماققا F-35 ،F-15 ،F-16 جانە A-10 جويعىش ۇشاقتارىنىڭ ەسكادريلدەرىن جىبەرمەكشى.
