قىتايداعى قىسقى ازيا ويىندارى بىزگە ۇلكەن تاجىريبە بولدى - التاي جاردەمبەك ۇلى

- وكىنىشتەن وزەگىم ورتەنىپ تۇر. ءبىراق ەرتەڭگى سوڭعى جارىس كۇنىندە بار كۇشىمىزدى سالامىز. ءبىز سپرينت سىنىندا تەك ءبىر عانا مەدالعا قول جەتكىزدىك. ازيا ەلدەرى سپرينتتىك سىنداردا وتە جوعارى دەڭگەيدە، ولاردىڭ قاتارىندا الەم جانە وليمپيادا چەمپيوندارى بار. ناتيجەلەرى الەمدىك رەكوردتارعا وتە جاقىن. حاربيندە وسى سپورتشىلار ءبىزدى قاپى قالدىردى. سول ءۇشىن بۇل جارىس بىزگە ۇلكەن تاجىريبە بولدى، - دەدى سپورتشى.

ول سونىمەن قاتار الدا كەلە جاتقان ميلان قىسقى وليمپيادا ويىندارىندا دا ءساتتى ونەر كورسەتۋدى دە باستى ماقسات تۇتىپ وتقانىن ايتتى.

- الدا ميلان قىسقى وليمپيادا ويىندارى كەلە جاتىر. سول ءۇشىن، بارلىق كۇش- قۋاتىمىزدى جيناپ، ول سىنعا دا دايىندالامىز. شىنى كەرەك، حاربيندەگى جارىستار وتە قيىن بولدى، ءبىراق ەشقانداي سىلتاۋعا سەبەپ جوق. ءبىز ءوزىمىزدىڭ قانداي قاتەلىك جىبەرگەنىمىزدى بىلدىك جانە سول قاتەمەن جۇمىس ىستەۋدى قولعا الامىز. باستى ماقسات - ميلان وليمپياداسى. قازاقستان قورجىنىنا تاريحي جۇلدە سىيلاعىمىز كەلەدى، - دەدى التاي جاردەمبەك ۇلى.

ايتا كەتەيىك، بۇگىن قازاقستاندىق كونكيمەن جۇگىرۋشىلەر ەرلەر اراسىندا 500 مەتر جانە ايەلدەر اراسىندا 3000 مەتر جارىسىندا ونەر كورسەتىپ، ەۆگەني كوشكين 4-ورىن، نادەجدا موروزوۆا 4-ورىن الدى. سونداي- اق قازاقستان ەرلەر قۇراماسى كوماندالىق ءىز قۋۋ سىنىندا ءتورتىنشى ورىندى مىسە تۇتتى.

مۇحتار قاليموللا ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى