قىتايداعى قازاقستاننىڭ تۋريزمى جىلى: قازاق ەسترادا جۇلدىزدارى بەيجىڭدە ونەر كورسەتتى

اتاپ ايتساق، گالا-كونسەرتكە قازاقستاننىڭ حالىق ءارتىسى روزا رىمبايەۆا، ق ر ەڭبەك سىڭىرگەن ءارتىسى مايرا مۇحامەد قىزى، وپەرا ءانشىسى زارينا التىنبايەۆا، «ۇلىتاۋ» ەتنو- روك توبى، اباي اتىنداعى قازۇوبت حور ۇجىمى، «سەرپەر» جانە «سازگەن سازى» انسامبلدەرىنىڭ شىعارماشىلىق ۇجىمدارى، «استانا بالەت» بالەت ترۋپپاسى باستاعان ونەرپازدارىمىز ونەرىن ورتاعا سالدى.

انشىلەرىمىز قىتاي حالقىنا قۇرمەت رەتىندە ولاردىڭ ۇلتتىق اندەرىن دە شىرقادى. سونىمەن قاتار كونسەرتكە جينالعان قوناقتار قىتايلىق ارتىستەردىڭ دە ونەرىن تاماشالادى.

جىلدىڭ رەسمي اشىلۋى حالىقارالىق تۋريزم مەن ينۆەستيتسيالارعا ارنالعان فورۋمنان باستالسا، جالعاسى قازاقستاننىڭ كورمەسى مەن ەتنو-اۋىلداعى مادەني ءىس- شارالارمەن تولىقتى.

بۇگىن قازاقستان تۋريزمى جىلى رەسمي اشىلۋىنىڭ گالا-كونسەرتى China National Opera House ءوتتى. سالتاناتتى كەشتە وتاندىق ارتىستەر حالقىمىزدىڭ مادەنيەتى مەن ونەرىن ۇلكەن قاۋىمعا تاعى ءبىر پاش ەتتى. وعان قوسا، جينالعان قاۋىم استانا بالەت، اباي اتىنداعى قازاق ۇلتتىق وپەرا جانە بالەت تەاتر ۇجىمدارىنىڭ بي مەن حور ونەرىنە كۋا بولدى. گالا-كونسەرتپەن بىرگە قىتايداعى قازاقستان تۋريزمى جىلىنىڭ اشىلۋ سالتاناتى دا ءوز مارەسىنە جەتتى.

قازاقستان دەلەگاتسياسى قاتارىندا مينيسترلىك، تۋريزم، بيزنەس، سپورت پەن ونەر سالاسىنىڭ وكىلدەرى بار. بۇل اتالعان ءىس-شارالار ەكى ەلدىڭ ىنتىماقتاستىعىن نىعايتىپ، ءوزارا مادەني، تۋريستىك قىزىعۋشىلىعىن ودان سايىن ارتتىرۋىنا سەپتىگىن تيگىزەتىنى ءسوزسىز.

كۇنسۇلتان وتارباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى