قىتايداعى قازاقستان تۋريزمى جىلى: بەيجىڭدە قازاق ۇيلەر تىگىلدى

كونسەرت وتەتىن بەيجىڭدەگى China National Opera House تەاتىرىنىڭ الدىنا قازاقى كيىزۇيلەر تىگىلىپ، ۇلتتىق بۇيىمدارىمىزدىڭ شاعىن كورمەسى وتپەك.

اتالعان ءىس- شارادا قازاقستاننىڭ حالىق ءارتىسى روزا رىمبايەۆا، ق ر ەڭبەك سىڭىرگەن ءارتىسى مايرا مۇحامەد قىزى، وپەرا ءانشىسى زارينا التىنبايەۆا، « ۇلىتاۋ» ەتنو- روك توبى، اباي اتىنداعى قازۇوبت حور ۇجىمى، «سەرپەر» جانە «سازگەن سازى» انسامبلدەرىنىڭ شىعارماشىلىق ۇجىمدارى، «استانا بالەت» بالەت ترۋپپاسى باستاعان 150 گە جۋىق ونەرپاز ءوز ونەرىن ورتاعا سالادى.

كونسەرت 29 -ناۋرىزدا بەيجىڭدەگى China National Opera House ساحناسىندا قىتايداعى قازاقستاندىق تۋريزم جىلىنىڭ اشىلۋ سالتاناتى اياسىندا وتەدى.

سونىمەن قاتار قىتايداعى قازاقستان تۋريزمى جىلىنىڭ اشىلۋى اياسىندا 30-ناۋرىز كۇنى بەيجىڭدىك تانىمال 798 ارت ايماعىنىڭ الاڭىندا «ناۋرىز فەست» وتپەك.

ەسكە سالا كەتسەك، الداعى 28-29-ناۋرىز كۇندەرى بەيجىڭدە قىتايداعى قازاقستان ءتۋريزمى جىلىنىڭ رەسمي اشىلۋ سالتاناتى وتەدى. وسىعان وراي قازاقستاننان بەيجىڭگە 600 گە جۋىق ارنايى دەلەگاتسيا ۇشىپ كەلدى.

اۆتور

كۇنسۇلتان وتارباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى