قىتايدا تاس جولدىڭ وپىرىلۋىنان قازا تاپقاندار سانى 24 كە جەتتى
قىتايدىڭ وڭتۇستىگىندەگى گۋاڭدۋڭ پروۆينسياسىنداعى مايدا (مەيجوۋ-دابۋ) ەكسپرەسس جولىنىڭ ءبىر بولىگىنىڭ وپىرىلۋىنان بولعان اپاتتى وقيعادان قازا تاپقاندار سانى 24 كە جەتتى. بۇل تۋرالى شينحۋا اگەنتتىگى جازدى.
- 20 كولىككە زاقىم كەلدى. 30 ادام اۋرۋحاناعا جاتقىزىلدى، ولاردىڭ ومىرىنە قاۋىپ ءتونىپ تۇرعان جوق، - دەپ حابارلادى جەرگىلىكتى بيلىك.
مەيجوۋ قالاسى ۇكىمەتىنىڭ حابارلاۋىنشا، قيراۋ تۇنگى ساعات 2:10 شاماسىندا مەيجوۋ قالاسىنداعى تاس جولدىڭ 184,3 شارشى مەتر اۋماقتى الىپ جاتقان بولىگىندە بولعان.
اەروفوتوسۋرەتتەر تراسسانىڭ ءبىر جاعى وپىرىلىپ، كولىكتەردىڭ تومەنگە قاراي قۇلاعانىن كورسەتتى.
