قىتايدا مايمىل ءۇش جاسار قىزدى ۇرلاپ كەتكەن

بۇقارالىق اقپارات قۇرالدارىنىڭ مالىمەتىنشە، وقيعا فەرمادا بولعان. قىزدىڭ اتا-اناسى بالانى بىرگە الىپ كەتۋگە شەشىم قابىلداعان.

«بىرنەشە مينۋتتان كەيىن بۇرىلىپ قاراعاندا بالانىڭ جوعالىپ كەتكەنىن ءبىلدىم. ءبارىمىز قاتتى قورقىپ كەتتىك»، - دەيدى ەر ادام.

وسىدان كەيىن قىزدىڭ اكەسى پوليتسياعا حابارلاسقان. وفيتسەرلەر جەدەل ىزدەستىرۋ توبىن جيناپ، اۋماقتى ارالاي باستادى. ەشقانداي ءىز تاپپاعان تەرگەۋشىلەر بالانى ايماقتا تۇراتىن جابايى مايمىلدار ۇرلاپ كەتكەن بولۋى مۇمكىن دەگەن شەشىمگە كەلگەن.

«بىزدە مىنا جەردە مايمىلدار جۇرەتىن، ولار كەيدە تاماق ىزدەپ تاۋدان تۇسەتىن»، - دەيدى جۇپ.

ىزدەۋ توبى ورمانعا كىرىپ، بالانىڭ اتىن شاقىرىپ، قاتتى ايقايلاي باستادى. سول كەزدە قىزدىڭ اناسى جىلاپ جاتقان ءسابيدىڭ داۋسىن ەستىگەن، ول قىزىنىڭ داۋىسىنا قاتتى ۇقساعان. ناتيجەسىندە بالا جارتاس ماڭىنداعى اعاشتان تابىلدى.

قىزدىڭ دەنەسىندە مايمىلدىڭ ساۋساق ىزىنە ۇقسايتىن بىرنەشە سىزات قانا بولعان. وقيعادان كەيىن جەرگىلىكتى اكىمشىلىك جەرگىلىكتى تۇرعىنداردىڭ قاۋىپسىزدىگى ءۇشىن پاترۋلدەر ۇيىمداستىرىپ جاتقانىن ايتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى