قىتايدا كوشكىن سالدارىنان 47 ادام ءۇيىندى استىندا قالدى
يۋننان. KAZINFORM - قىتايدىڭ وڭتۇستىك- باتىسىنداعى يۋننان پروۆينتسياسىنىڭ اۋىلدىق ەلدى مەكەندەرىندە كوشكىن سالدارىنان 47 ادام ءۇيىندى استىندا قالدى.
بۇل تۋرالى قىتايدىڭ ورتالىق تەلەارناسى (CCTV) حابارلادى.
CCTV مالىمەتىنشە، توتەنشە جاعداي يۋننان پروۆينتسياسىنىڭ جەنسيۋن ۋەزىندە بەيجىڭ ۋاقىتىمەن ساعات 05:51 دە بولعان.
الدىن الا مالىمەت بويىنشا، تابيعي اپات سالدارىنان 18 ءۇي شارۋاشىلىعى وپىرىلىپ، شامامەن 47 ادام جەر استىندا قالۋى مۇمكىن دەپ شامالانىپ وتىر.
قاۋىپسىزدىك ماقساتىندا 500 گە جۋىق جەرگىلىكتى تۇرعىن ەۆاكۋاتسيالاندى.
ىزدەۋ-قۇتقارۋ جۇمىستارى جالعاسىپ جاتىر.
بيلىك جوعالعانداردى ىزدەۋگە 50 دەن استام ارنايى تەحنيكا مەن 300 دەن استام ماماندى جۇمىلدىردى.
