قىتايدا كەدەندىك راسىمدەۋ جەڭىلدەتىلدى
قىتاي كەدەندىك راسىمدەۋلەردى تاعى دا جەڭىلدەتتى. ەل بيلىگى 16 ءتۇرلى جاڭا شارا قابىلدادى. وسى ارقىلى شەكاراداعى پورتتار مەن بەكەتتەردەگى جۇمىستى وڭتايلاندىرىپ، ىسكەرلىك ورتانى جەتىلدىرە تۇسۋگە كۇش سالىنعالى وتىر.
وزگەرىستەر نەگىزگى 4 باعىتقا بايلانىستى جاسالعان. بۇل سىرتقى ساۋدا قوزعالتقىشتارىن ىنتالاندىرىپ، جوعارى ساپالى تاۋارلار يمپورتى مەن ەكسپورتىنا قولداۋ كورسەتۋگە مۇمكىندىك بەرەدى. سونىمەن قاتار شىعىنداردى ازايتىپ، كاسىپورىنداردىڭ جۇمىس تيىمدىلىگىن ارتتىرۋدى كوزدەيدى. ەڭ باستىسى ترانسشەكارالىق ساۋداعا باسىمدىق بەرىلىپ وتىر.
لين شاوبين، ق ح ر باس كەدەندىك باسقارماسىنىڭ ءبولىم باسشىسى:
- ەكونوميكانىڭ باستى دامۋ قوزعالتقىشى - ساۋدا. سوندىقتان ءبىز بۇعان جان- جاقتى ءمان بەرىپ وتىرمىز. قىتايدا كەيىنگى جىلدارى ەكسپورت پەن يمپورت سالاسى ۇدايى جەتىلدىرىلىپ، وڭتايلاندىرىلىپ كەلەدى. بۇل سىرتقى ساۋدانىڭ جۇرۋىنە وڭ ىقپال ەتىپ وتىر. ماسەلەن، بيىلعى جىلدىڭ العاشقى ءۇش توقسانىندا ترانسشەكارالىق ساۋدا- ساتتىق 259 ميلليارد دوللارعا جەتتى. بۇل الدىڭعى جىلمەن سالىستىرعاندا % 11 كە كوپ.
24KZ
