قىتايدا جەر سىلكىنىسىنەن قازا تاپقاندار سانى 100 ادامنان استى
قىتايدىڭ سولتۇستىك-باتىسىنداعى گانسۋ جانە شيڭحاي پروۆينتسيالارىندا بولعان جەر سىلكىنىسىنەن قازا تاپقاندار سانى 100 ادامنان استى. بۇل تۋرالى قىتايدىڭ ورتالىق تەلەارناسىنان مالىمدەدى، دەپ حابارلايدى Kazinform اگەنتتىگىنىڭ ءتىلشىسى.
گانسۋ پروۆينتسياسىندا قازا تاپقاندار سانى قازىر 105 ادامعا جەتتى، ال شيڭحاي پروۆينتسياسىندا 11 ادام قايتىس بولدى. بۇعان دەيىن قىتايدىڭ جوعارىدا اتالعان ەكى پروۆينتسياسىندا 300-دەن استام ادام قۇربان بولعانى تۋرالى حابارلانعان.
ق ح ر ءتوراعاسى شي جينپيڭ ادامداردى ىزدەستىرۋ جانە قۇتقارۋ، سونداي- اق گانسۋ پروۆينتسياسىنداعى جەر سىلكىنىسىنىڭ سالدارىن جويۋ ءۇشىن بارلىق كۇش-جىگەردى جۇمساۋعا شاقىردى.
ق ح ر مەملەكەتتىك كەڭەسى زارداپ شەككەن ايماقتارعا كومەك كورسەتۋ جۇمىستارىن جۇرگىزۋ ءۇشىن ارنايى جۇمىس توبىن جىبەردى.
ىزدەستىرۋ- قۇتقارۋ جۇمىستارى كۇردەلى مەتەورولوگيالىق جانە گەوگرافيالىق جاعدايلارعا بايلانىستى قيىنداپ جاتىر. جەر سىلكىنىسى بولعان كەزدە تۇندە اۋا تەمپەراتۋراسى -15 گرادۋسقا دەيىن تومەندەگەن. سينوپتيكتەردىڭ بولجامىنشا، جەر سىلكىنىسى بولعان ايماقتا الداعى 10 كۇندە اۋا تەمپەراتۋراسى كۇندىز 5 گرادۋسقا دەيىن كوتەرىلىپ، تۇندە -14 گرادۋسقا دەيىن تومەندەۋى ىقتيمال.
ماگنيتۋداسى 6,2-گە دەيىن جەتكەن جەراستى دۇمپۋلەرى گانسۋ پروۆينتسياسىنىڭ لينشيا وكرۋگىندە تىركەلدى. وشاعى 10 ك م تەرەڭدىكتە بولعان.
اۆتور
زارينا تۋعانبايەۆا
