قىتايدا بيۋدجەت قارجىسىن ۇرلاعان شەنەۋنىك ءولىم جازاسىنا كەسىلدى

لي جيانپين حۋح-حوتو قالاسىنىڭ (سولتۇستىك قىتايداعى ىشكى موڭعوليا اۆتونوميالىق اۋدانىنىڭ اكىمشىلىك ورتالىعى) تەحنيكالىق- ەكونوميكالىق دامۋ ايماعىنىڭ جۇمىس كوميتەتىنىڭ حاتشىسى بولىپ قىزمەت اتقارعان. وعان ۇرلىق پەن پاراقورلىق ارقىلى زاڭسىز جولمەن 3,06 ميلليارد يۋان (شامامەن 426 ميلليون دوللار) يەمدەندى دەگەن ايىپ تاعىلدى.

ق ح ر جوعارعى حالىق سوتىنىڭ مالىمەتىنە سايكەس، لي جيانپين مەملەكەتتىك كومپانيادان (اتاۋى اتالماعان) 1,43 ميلليارد يۋاندى (199 ميلليون دوللار) الاياقتىق جولمەن يەمدەنگەن. سونداي-اق، ول 577 ميلليون يۋان (80 ميلليون دوللار) پارا الىپ، 1,06 ميلليارد يۋاندى (147 ميلليون دوللار) جىمقىرعان. بۇل قاراجاتتىڭ ءبىر بولىگى قايتارىلماعان.

پاراقورلىق پەن قارجى ۇرلاۋدان بولەك، لي جيانپين «زاڭسىز جانە قىلمىستىق ارەكەتتەرگە كوز جۇما قارادى» دەپ ايىپتالعان. بارلىق جەكە مۇلكى تاركىلەندى.

لي جيانپينگە 2022 -جىلى سوت ءولىم جازاسىن تاعايىنداعان. ول اپەللياتسيالىق شاعىم تۇسىرگەنىمەن، 2024 -جىلدىڭ تامىز ايىندا ءولىم جازاسى كۇشىندە قالدىرىلدى.

ءولىم جازاسى ورىندالماس بۇرىن لي جيانپين جاقىن تۋىستارىمەن كەزدەسۋگە مۇمكىندىك الدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى