قىتايعا اۋىل شارۋاشىلىعى داقىلدارىن ەكسپورتتاۋ كولەمى ارتادى

- وسىمدىك شارۋاشىلىعى ونىمدەرىن ىلگەرىلەتۋ بويىنشا كارانتين جانە وسىمدىكتەردى قورعاۋ سالاسىنداعى ىنتىماقتاستىق تۋرالى كەلىسىمدەرگە قول قويۋ ارقىلى جاڭا نارىقتار اشىلىپ كەلەدى. وسىلايشا، ازەربايجان، تۇركيا، يران، تۇرىكمەنستان، قىتاي جانە تمد ەلدەرىمەن وسىنداي كەلىسىمدەر جاسالدى. جىل سايىن قىتايعا ەكسپورتتاۋشىلار رەەسترىندە وتاندىق كاسىپكەرلەردىڭ سانى ارتىپ كەلەدى، قازىرگى تاڭدا 2432 قازاقستاندىق كاسىپكەر تىركەلگەن. قىتاي نارىعىنا بۇرشاق، جاسىمىق جانە راپس سياقتى ونىمدەردى جەتكىزۋ بويىنشا كەلىسىمدەر بەكىتىلدى. سونىمەن قاتار 2026 - جىلعا دەيىن كۇرىش، ماش، ماقتا جانە باقشا داقىلدارى سياقتى ونىمدەر تۇرلەرىن كەڭەيتۋ جوسپارلانعان، - دەدى ەربول تاسجۇرەكوۆ.

ونىڭ ايتۋىنشا، بيداي مەن ۇن ەكسپورتىنداعى وڭ ديناميكاعا قاراماستان، سالانىڭ ءبىرقاتار پروبلەماسى بار. قازاقستان - قىتاي شەكاراسىنداعى كەدەن راسىمدەرىنىڭ ۇزاقتىعى 5-تەن 15 كۇنگە دەيىن سوزىلىپ، كونتەينەرلىك پويەزدار، جابىق ۆاگوندار مەن استىق تيەگىشتەرىنىڭ جيناقتالۋىنا جانە توقتاپ قالۋىنا سەبەپ بولىپ وتىر.

قازىر قورعاستاعى ۆاگونداردىڭ بارلىق ءتۇرى (استىق تاسىمالدايتىن ۆاگوندار، جابىق ۆاگوندار، كونتەينەرلەر) بويىنشا قىتاي تاراپىنىڭ استىق جۇكتەرىن قابىلداۋىن ۇلعايتۋ تالقىلانىپ جاتىر.

بۇدان بۇرىن حابارلانعانداي، قازاقستاننىڭ اگروونەركاسىپ ونىمدەرىنىڭ ەكسپورتى 60-تان استام ەلگە شىعىپ جاتىر.

اۆتور

رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى