قىتاي ۆيتسە-پرەمەرى: ە و- مەن پروتەكسيونيزمگە قارسى بىرلەسە ارەكەت ەتۋگە دايىنبىز

سينگاپۋرلىق Lianhe Zaobao باسىلىمىنىڭ جازۋىنشا، حە ليفەن بۇل تۋرالى بەيجىڭدە ەۋروكوميسسيانىڭ ساۋدا جانە ەكونوميكالىق قاۋىپسىزدىك جونىندەگى كوميسسارى ماروش شەفچوۆيچپەن كەزدەسۋىندە ايتتى. ول قىتاي تاراپى ە و- مەن ديالوگ پەن ءوزارا بايلانىستى نىعايتۋعا، ساۋدا سالاسىنداعى كەلىسپەۋشىلىكتەردى رەتتەۋگە، ءوزارا اشىقتىقتى كەڭەيتۋگە جانە تاراپتار اراسىنداعى ساۋدا-ەكونوميكالىق قاتىناستاردى تۇراقتى تۇردە دامىتۋعا مۇددەلى ەكەنىن اتاپ ءوتتى. سونداي-اق، ول قىتاي مەن ەۋرووداقتىڭ كوپجاقتى ساۋدا جۇيەسىن قورعاۋ ماقساتىندا ءبىرجاقتىلىق پەن پروتەكتسيونيزمگە قارسى بىرلەسىپ كۇرەسۋى كەرەگىن قاداپ ايتتى.

ماروش شەفچوۆيچ X پلاتفورماسىندا ە و مەن قىتايدىڭ ەكىجاقتى جانە جاھاندىق ماسەلەلەردى شەشۋگە بايلانىستى ورتاق مۇددەسى بار ەكەنىن جازدى.

- ءبىز ساۋدا جانە ينۆەستيتسيالىق قارىم-قاتىناستارىمىزدى شىنايى تۇردە قايتادان تەڭەستىرۋىمىز قاجەت، - دەدى ول.

ا ق ش پرەزيدەنتى دونالد ترامپتىڭ كەدەندىك تاريفتەرگە قاتىستى قولدانعان ساياساتى قىتاي- ا ق ش جانە ە و- ا ق ش قارىم- قاتىناستارىنا ايتارلىقتاي اسەر ەتتى. بيىل اقپاننان باستاپ ترامپ قىتايدان يمپورتتالاتىن بارلىق تاۋارعا %20 قوسىمشا باج سالىعىن ەنگىزگەن بولاتىن.

ترامپ 26-ناۋرىز كۇنى يمپورتتىق اۆتوكولىكتەرگە جاڭا تاريف ەنگىزەتىنىن مالىمدەدى. بۇل شارا ەۋروپانىڭ، اسىرەسە گەرمانيانىڭ اۆتوكولىك وندىرۋشىلەرىنە ايتارلىقتاي سوققى بولماق، سەبەبى نەمىس اۆتوكولىك ەكسپورتىنىڭ شامامەن %25 ى ا ق ش- قا باعىتتالعان.

سونىمەن قاتار، ە و قىتايمەن ەكونوميكالىق قارىم-قاتىناسقا بايلانىستى ءبىرقاتار ماسەلەگە الاڭداۋشىلىق ءبىلدىرىپ وتىر. اتاپ ايتقاندا، ە و وزارا ءتيىمدى مەملەكەتتىك ساتىپ الۋ مۇمكىندىكتەرىنىڭ بولماۋىنا، نارىقتىق كەدەرگىلەردىڭ جويىلماۋىنا جانە ترانسشەكارالىق دەرەكتەر الماسۋدىڭ قيىندىعىنا رازى ەمەس.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى