قىتاي تەلەۆيزياسى قازاقستاننىڭ تۋريستىك ورىندارى تۋرالى فيلمدەر تۇسىرەدى

بۇل تۋرالى بۇگىن وسى كۇندەرى بەيجىڭدە ءوتىپ جاتقان قازاقستان- قىتاي تۋريزم جانە ينۆەستيتسيالار فورۋمى اياسىندا «Kazakh Tourism» ۇ ك» ا ق باسقارما ءتوراعاسى قايرات ءسادۋاقاسوۆ ءمالىم ەتتى.

«2023 -جىلدىڭ قورىتىندىسى بويىنشا قازاقستانعا قىتايلىق تۋريستەر اعىنى 367 مىڭ ادامدى قۇرادى. بيىلعى جىلى ءتۇرلى وقيعالاردى ەسكەرە وتىرىپ، اعىمدى 500 مىڭ ادامعا جەتكىزۋدى جوسپارلاپ وتىرمىز، بۇل ءبىزدىڭ بولجام، الدىمىزعا ماقسات قويىپ وتىرمىز»، - دەدى ول.

ونىڭ ايتۋىنشا، قىتايدان قازاقستانعا تۋريستىك اعىندى ودان ءارى ارتتىرۋ ءۇشىن كوپتەگەن مۇمكىندىكتەر جانە قىتايلىق جانە قازاقستاندىق تۋروپەراتورلار تاراپىنان قىزىعۋشىلىق بار. ونىڭ پىكىرىنشە، قىتايدىڭ تۋريستىك نارىعىندا ۇلتتىق تۋريستىك ءونىمدى ىلگەرىلەتۋ ءۇشىن جارنامالىق ناۋقانعا، سونداي-اق تۋريزم سالاسىندا ىسكەرلىك بايلانىس ورناتۋعا ۇلكەن كوڭىل ءبولۋ كەرەك.

ق. ءسادۋاقاسوۆ سونداي-اق اعىمداعى جىلدىڭ ءساۋىر-مامىر ايلارىندا قىتاي ورتالىق تەلەۆيزياسىنىڭ CCTV-4 تەلەارناسى ءتۇسىرۋ توبىنىڭ قازاقستانعا كەلىپ، ەلىمىزدىڭ تۋريستىك ورىندارى تۋرالى دەرەكتى فيلمدەر تۇسىرەتىنىن ايتتى. ولار الماتى، شىمكەنت، استانا قالالارىنا، سونداي-اق تۇركىستان جانە الماتى وبلىستارىنا بارادى.

سونىمەن قاتار، ۇرىمجىدەن (ش ۇ ا ر، قىتاي) قازاقستاننىڭ وڭتۇستىك- شىعىس جانە وڭتۇستىك ايماقتارى ارقىلى استانا قالاسىنا دەيىن ترانسشەكارالىق تۋريستىك جول باعدارىن ازىرلەۋمەن جازعى-كۇزگى كەزەڭدە جول تالعامايتىن ەكسكۋرسيالىق ەكسپەديتسيا ۇيىمداستىرۋ بويىنشا جۇمىس جۇرگىزىلىپ جاتىر.

2024 -جىلى قىتايداعى قازاقستان تۋريزمى جىلى اياسىندا 30 دان استام ءىس-شارا جوسپارلانعان.

ەسكە سالا كەتسەك، بۇگىن قىتايدا قازاقستاننىڭ تۋريزم جىلى رەسمي تۇردە باستالدى. اتالعان شارانىڭ اشىلۋ ءراسىمى قازاقستان-قىتاي تۋريستىك جانە ينۆەستيتسيالىق فورۋمىنان باستالدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى