قىتاي سىرتقى ىستەر ءمينيسترى رەسەي مەن ۋكراينا اراسىنداعى كەلىسسوزدەرگە قاتىستى پىكىر ءبىلدىردى
استانا. KAZINFORM - قىتاي سىرتقى ىستەر ءمينيسترى ۆان ي ميۋنحەن قاۋىپسىزدىك كونفەرەنسياسىنىڭ اشىلۋىندا ءسوز سويلەپ، رەسەي مەن ۋكراينا اراسىنداعى كەلىسسوزدەرگە قاتىستى پىكىر ءبىلدىردى، دەپ حابارلايدى Kazinform BILD- كە سىلتەمە جاساپ.
- قىتاي ءۇشىن ەۋروپالىقتار قارسىلاس ەمەس، سەرىكتەس. بۇل ءبىزدىڭ كوپپوليارلى الەمىمىزدەگى وتە ماڭىزدى پوليۋس، - دەدى ول.
سونىمەن قاتار ۆان ي امەريكا قۇراما شتاتتارىنىڭ بيلىگىنە قىتايدى تەجەۋگە تىرىسۋدىڭ قاجەتى جوقتىعىن ايتتى. ق ح ر وكىلىنىڭ ايتۋىنشا، بۇل بەيجىڭ تاراپىنان شەشۋشى ارەكەتكە بارۋعا تۇرتكى بولادى.
ۆان ي رەسەي مەن ۋكراينا اراسىنداعى بىتىمگە كەلۋ مۇمكىندىگى بار كەلىسسوزدەرگە قاتىستى دا پىكىر ءبىلدىردى.
- بەيجىڭ ۋكراينا قاقتىعىسىن شەشۋگە قاتىستى بارلىق امالداردى، سونىڭ ىشىندە سوڭعى كۇندەرى ا ق ش- تىڭ رەسەي فەدەراتسياسىمەن تۇسىنىستىككە قول جەتكىزگەنىن قۇپتايدى. بارلىق تاراپ ۋكراينا بويىنشا بەيبىت كەلىسسوزدەرگە ءتيىستى ۋاقىتتا قاتىسۋى كەرەك، - دەدى ديپلومات.
ول قىتايدىڭ رەسەيلىك گازدى الۋدان باس تارتۋعا دايىن ەمەستىگىن، ويتكەنى باسقا ەلدەر قىتايعا قاجەتتى كوپ رەسۋرستى جەتكىزە المايتىنىن اتاپ ءوتتى.
بۇعان دەيىن ترامپ رەسەي مەن قىتايعا قورعانىس بيۋجەتىن ەكى ەسە قىسقارتۋدى ۇسىناتىنىن جازعانبىز.
