قىتاي رەسەي ازاماتتارى ءۇشىن ءبىر جىلعا ۆيزاسىز رەجيم ەنگىزەدى

بۇل تۋرالى ق ح ر سىرتقى ىستەر مينيسترلىگىنىڭ رەسمي وكىلى گو جياچۋن مالىمدەدى.

قىتاي بيلىگى ۆيزاسىز كىرۋگە قۇقىعى بار ەلدەردىڭ سانىن كوبەيتەدى جانە وسى ارقىلى ەكى جاقتى ساپارلاردى دامىتۋعا ىقپال ەتەدى. رەسەي ازاماتتارىنا ارنالعان بۇل رەجيم 2025 -جىلعى 15- قىركۇيەكتەن 2026 -جىلعى 14- قىركۇيەككە دەيىن تەستىلىك رەجيمدە ەنگىزىلەدى.

ناۋرىزدا ماسكەۋ مەن پەكين بۇل شارالاردى تالقىلاعان بولاتىن. تامىز ايىندا رەسەي س ءى م- دە ەكى ادامنان تۇراتىن تۋريستىك توپتار ءۇشىن ۆيزاسىز رەجيم بويىنشا كەلىسسوزدەر جۇرگىزىلىپ جاتقانىن حابارلادى.

رەسەي ازاماتتارى قىتايعا بارۋ ءۇشىن ادەتتە ۆيزا قاجەت. ءبىراق كەيبىر ەرەكشەلىكتەر بار. رەسەي ازاماتتارىنا گونكونگقا 14 كۇنگە دەيىن، ماكاو مەن حاينان ارالىنا 30 كۇنگە دەيىن ۆيزاسىز كىرۋگە رۇقسات ەتىلگەن. قالعان قىتاي ايماقتارىنا بارۋعا ۆيزا الۋ قاجەت.

2023 -جىلعى 10-قاراشادان باستاپ قازاقستان مەن قىتاي اراسىندا ءوزارا ۆيزاسىز رەجيم جۇمىس ىستەيدى.

ودان بۇرىن قىتاي 75 ەلدىڭ ازاماتتارى ءۇشىن ۆيزاسىز رەجيم ەنگىزگەنىن جازعانبىز.

اۆتور

بەكباۋ تايمانوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى