قىتاي قازاقتارىنىڭ كوشپەندى ءومىرى تۋرالى فيلم قازاقستاندا پروكاتقا شىعادى

kino.kz سايتىنداعى اقپاراتقا سايكەس، فيلم 30-مامىر كۇنى كورسەتىلە باستايدى.

بۇعان دەيىن حابارلاعانىمىزداي، «ءومىر اعىسىندا» فيلمى Little Monster Entertainment مەديا كومپانياسىنىڭ قولداۋىمەن، ەۋروپاداعى ارنايى كورسەتىلىمىن باستاعان بولاتىن.

ايتا كەتەرلىگى، «ءومىر اعىسىندا» فيلمى 2018-جىلى قىتايدا العاش كورسەتىلىپ، 2019-جىلى 12-ساۋىردە پروكاتقا شىققان. «ۇزدىك كينەماتوگرافيا»، «ۇزدىك تۋىندى»، «ۇزدىك ەر اكتەر» جانە «ۇزدىك اۋىل تاقىرىبىنداعى فيلم» نوميناتسيالارىن جەڭىپ العان.

فيلم ۇرپاقتان-ۇرپاققا جالعاسقان قىتاي قازاقتارىنىڭ كوشپەندى ءومىرىن تاقىرىپ ەتىپ، ولاردىڭ سوڭعى 40 جىلداعى تىرشىلىگىندەگى وزگەرىستەردى، شىنايى دەرەكتەردى جانە جارتىلاي سيۋجەتتىك ءادىستى پايدالانا وتىرىپ سۋرەتتەيدى.

سونداي-اق، جىلدىڭ ءتورت مەزگىلىنىڭ اۋىسۋى پروزالىق بايانداۋ مەن پوەتيكالىق كينو ءتىلى ارقىلى، مالشىلاردىڭ قۋانىشى مەن مۇڭىن ايشىقتاپ، كورەرمەنگە ءتابيعاتتىڭ اسەم كورىنىسىن ۇسىنادى.

فيلمنىڭ باستى جانە قوسىمشا رولدەرىن دەرلىك قازاق اكتەرلەر سومداعان.

ال 4 جىلعا سوزىلعان تۇسىرىلىمگە 10 مىڭعا جۋىق قاراپايىم قازاق تۇرعىندار قاتىسىپ، 300 مىڭعا جۋىق مال پايدالانىلدى.

اۆتور مۇحتار قاليموللا ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى