قىتاي موڭعوليادا مەكەندەيتىن سيرەك ايۋ ءتۇرىن قورعاۋدى قولدايدى

بۇل تۋرالى جۋىردا سينحۋا اگەنتتىگىنە بەرگەن ەكسكليۋزيۆتى سۇحباتىندا «ۇلى گوبي» ەرەكشە قورعالاتىن تابيعي اۋماق اكىمشىلىگىنىڭ ديرەكتورى چويجينگيين باياربات مالىمدەدى، دەپ جازدى سينحۋا اقپارات اگەنتتىگى.

ونىڭ اتاپ وتۋىنشە، ىنتىماقتاستىقتىڭ ارقاسىندا تابيعاتتى قورعاۋ ستراتەگيالارى ايتارلىقتاي نىعايتىلدى، ايۋلار مەكەندەيتىن جەرلەردەگى جاعداي جاقساردى جانە باقىلاۋ ادىستەرى جەتىلدىرىلدى.

- « ۇلى گوبيدىڭ» ەرەكشە قورعالاتىن ايماعىندا 2018 -جىلدان 2024 -جىلعا دەيىن قىتايدىڭ قولداۋىمەن جۇزەگە اسىرىلىپ جاتقان مازاالايدى ساقتاۋ جوباسى ەرەكشە ماڭىزدى، ويتكەنى بۇل ەرەكشە قورعالاتىن ايماقتاعى جابايى تابيعاتتى ساقتاۋعا تەحنيكالىق كومەك كورسەتۋ بويىنشا شەتەلدىك قارجىلاندىراتىن ءبىرىنشى ءىرى باستاما، - دەدى چ. باياربات.

گوبي ايۋىنا جويىلىپ كەتۋ قاۋپى ءتونىپ تۇرعانى ايتىلدى.

- ۇلى گوبي - موڭعولياداعى 4,6 ميلليون گەكتار اۋماقتى الىپ جاتقان قورعالاتىن ەڭ ۇلكەن اۋماق. موڭعوليانىڭ قىزىل كىتابىنا ەنگىزىلىپ، جويىلىپ كەتۋ قاۋپى تونگەن سۇتقورەكتىلەردىڭ 33 ءتۇرىنىڭ 15-ى وسى جەردە مەكەندەيدى، - دەدى ول.

تەحنيكالىق كومەكتىڭ ماڭىزدىلىعىن اتاپ وتكەن چ. باياربات جوبا اياسىندا موڭعول جانە قىتاي عالىمدارى جەتى زەرتتەۋ جۇرگىزگەنىن، سونىڭ ىشىندە مازاالايدىڭ پوپۋلياتسياسىنىڭ مولشەرىن انىقتاۋ ءۇشىن گەنەتيكالىق ادىستەردى قولدانعانىن باياندادى. بۇعان دەيىن بار بولعانى ايۋدىڭ 22 داراسى بار دەپ ەسەپتەلسە، ساراپشىلار «ۇلى گوبيدە» شىن مانىندە 52 ايۋ مەكەن ەتەتىنىن انىقتادى.

بۇدان بولەك، جوبا اياسىندا موڭعوليانىڭ 30 تابيعات قورعاۋشىسى مەن ساراپشىسى قىتايدا وقىتىلدى.

ەسكە سالا كەتەيىك، بۇعان دەيىن موڭعوليادا الەمدەگى قار بارىسىنىڭ 20 پايىزى مەكەندەيتىنىن جازعان بولاتىنبىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى