قىتاي «ماناس» مۇراسىن قورعاۋ تۋرالى ەرەجە شىعاردى

اتالعان قۇجات وسى جىلدىڭ 1-مامىرىنان باستاپ كۇشىنە ەنەدى. قورعاۋ ەرەجەلەرىندە «ماناستىڭ» ماتەريالدىق ەمەس مادەني مۇراسى رەسۋرستارىن ۇتىمدى پايدالانۋ، مادەني ونىمدەردى ازىرلەۋ، مادەني قىزمەت كورسەتۋ» جانە «ادەبيەتتىڭ، تەاتردىڭ، بەينەلەۋ ونەرىنىڭ، سۋرەت، كينو جانە تەلەديدار مەن كوركەم شىعارماشىلىقتىڭ وزگە تۇرلەرىنىڭ دامۋىن ىنتالاندىرۋ» قاجەتتىگى ناقتى كورسەتىلگەن.

سول سياقتى ەرەجەدە «ماناستىڭ» ماتەريالدىق ەمەس مادەني مۇراسىنا مۇراگەرلىك ەتەتىن دارىندىلاردى تاربيەلەۋگە، قاراجات كوزىنە، مۇراگەرلىك ورىندارىن سالۋعا، «ماناس» پەن تۋريزمنىڭ ينتەگراتسياسى دامۋىنا بايلانىستى ەرەجەلەر شىعارۋ قاراستىرىلعان. قۇجاتتا العاش رەت «ماناستىڭ» ماتەريالدىق ەمەس مادەني مۇراسىنىڭ تارالۋى ايماعى مەن «ماناس» ەپوسى مۇراگەرلەرىنىڭ وكىلدەرى ناقتى انىقتالعان.

ايتا كەتەيىك، شىڭجاڭنىڭ قىزىلسۋ- قىرعىز وبلىسىندا 300 مىڭعا تارتا ەتنيكالىق قىرعىزدار تۇرادى. وسى جەردەن ەجەلگى «ماناس» جىرىن جاتقا ايتاتىن اتاقتى جىرشى ءجۇسىپ ماماي شىققان. قىرعىزستان ءجۇسىپ مامايعا «قىرعىزدىڭ ۇلتتىق باتىرى» اتاعىن بەرىپ، «اق شۋمكار» وردەنىمەن ماراپاتتاعان. «ماناس» ەپوسى - قىرعىز حالقىنىڭ ەڭ قۇندى، وسى كۇنگە دەيىن ساقتالىپ قالعان ۇلتتىق مۇراسى. «ماناس» الەمدەگى ەڭ ۇزاق ەپوستىق جىر سانالادى. جىر يۋنەسكو قورعاۋىنا الىنعان.

اۆتور

باقىتجول كاكەش

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى