قىتاي حالقىنىڭ سانى ەكىنشى جىل قاتارىنان قىسقارىپ كەلەدى

ق ح ر مەملەكەتتىك ستاتيستيكا باسقارماسى جاريالاعان مالىمەتتەرگە سايكەس، 2023-جىلى قىتاي تۇرعىندارىنىڭ سانى 1 ميلليارد 409 ميلليون ادامدى قۇراعان. بۇل 2022-جىلمەن سالىستىرعاندا 2,08 ميلليونعا از.

اتاپ وتىلگەندەي، حالىق سانى ەكىنشى جىل قاتارىنان ازايىپ كەلەدى.

وسىلايشا، 2022-جىلى قىتايداعى حالىق سانى 1960-جىلى ەلدە بولعان قۇرعاقشىلىق پەن اشتىقتان كەيىن العاش رەت قىسقارعان.

2023-جىلى قىتايدا 9,56 ميلليون بالا تۋىلىپ، 11,1 ميلليون ادام قايتىس بولدى.

ەلدە بالا تۋۋ كورسەتكىشى 1949-جىلى حالىق ساناعى جۇرگىزىلگەننەن بەرى (ءبىر مىڭ ادامعا شاققاندا 6,39) ەڭ تومەن دەڭگەيگە تۇسكەن. 2022-جىلى قىتايدا تۋۋ كورسەتكىشى ءبىر مىڭ ادامعا شاققاندا 6,77 گە دەيىن ءتۇستى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى