قىتاي ازيادا العاش رەت شوشقا بۇيرەگىن ادامعا ترانسپلانتاتسيالادى
استانا. KAZINFORM - سيان قالاسىنداعى ءتورتىنشى اسكەري مەديتسينا ۋنيۆەرسيتەتىنە قاراستى گوسپيتال دارىگەرلەرى 69 جاستاعى ايەلگە كسەنوترانسپلانتاتسيا جاسادى، دەپ حابارلايدى Kazinform اگەنتتىگى bigasia.ru عا سىلتەمە جاساپ.
وپەراتسيادان التى كۇننەن كەيىن بۇيرەكتىڭ قابىلدانباۋ جاعدايى بولمادى جانە ناۋقاستىڭ قان كورسەتكىشتەرى قالىپتى جاعدايعا ورالدى.
دارىگەرلەر بىرنەشە وزگەرتىلگەن گەنى بار شوشقانىڭ بۇيرەگىن ترانسپلانتاتسيا جاسادى. وپەراتسيا كسەنوترانسپلانتاتسيانىڭ بولاشاعى زور ەكەنىن كورسەتتى. دارىگەرلەر يممۋنيتەتتى قابىلداماۋ، قاننىڭ ۇيۋ قاۋپى جانە ىقتيمال ينفەكسيالارعا ەرەكشە نازار اۋدارا وتىرىپ، ناۋقاستىڭ جاعدايىن باقىلاۋدى جالعاستىرادى.
قىتايدا سوزىلمالى بۇيرەك اۋرۋىمەن اۋىراتىن 130 ميلليونعا جۋىق ادام بار. شۇعىل ترانسپلانتاتسيانى قاجەت ەتەتىن سوڭعى ساتىداعى بۇيرەك جەتكىلىكسىزدىگى بار ناۋقاستاردىڭ سانى ءوسىپ جاتىر.
ەسكە سالا كەتەيىك، قىتايلىق ماتەماتيك ايەل 100 جىلدىق ەسەپتى شەشتى.
