قىتاي «اقىلدى» روبوتتار جاساۋدان كوش باستاپ تۇر

قازىر الەمدە ساتىلىپ جاتقان گۋمانويدتى اۆتوماتتى قۇرىلعىلاردىڭ جارتىسىنان استامى كورشىمىزدە شىعارىلادى. قىتايدا گۋمانويدتى، ياعني ادامعا ۇقساس روبوت ءوندىرىسى قارقىندى دامىپ كەلەدى. بىلتىر الەمدە سالالىق 160 كومپانيا تىركەلسە، سونىڭ 60-ى وسىندا جۇمىس ىستەيدى.

سەكتوردىڭ تەز دامىپ جاتقانىن مىنا ستاتيستيكا ايعاقتايدى. قازىر جەرگىلىكتى نارىق 385 ميلليون دوللارعا باعالانسا، 4 جىل ىشىندە كورسەتكىش 10 ميلليارد دوللاردان اسادى دەپ كۇتىلىپ وتىر.

 لي فانبياو، شىنجىن قالاسى عىلىم، تەحنولوگيالار مەن يننوۆاتسيالار بيۋروسىنىڭ قىزمەتكەرى:

- بىزگە ءتۇرلى كومپانيالار تاراپىنان تەحنولوگيالىق قاجەتتىلىكتەرى بويىنشا ۇسىنىستار تۇسەدى. ءبىز سولاردىڭ بارلىعىن جينايمىز دا، ىشىنەن ەڭ ءجيى كەزدەسەتىن سۇرانىسقا ساي روبوت جاسايمىز. دەمەك جاي عانا اۆتاماتتاندىرىلعان قۇرىلعىلار ەمەس، ءتۇرلى كومپانيالاردىڭ ونەركاسىپتىك قاجەتتىلىن قامتاماسىز ەتەتىن روبوتتار جاساپ شىعارامىز

. قىتايدىڭ بۇل باعىتتا جەتەكشى ورىنعا شىعۋىنا ينۆەستيتسيانىڭ كوپتەپ قۇيىلۋى سەپتىگىن تيگىزگەن. مەملەكەت تاراپىنان دا زور قولداۋ كورسەتىلەدى. بيلىك روبوتوتەحنيكاداعى يننوۆاتسيالار ورتالىعىنا اينالۋ ماقساتىن قويعان. بۇل ەكونوميكالىق ءوسىم ءۇشىن ماڭىزدى. ويتكەنى مۇندا دەموگرافيالىق داعدارىس ءورشىپ بارادى. حالىقتىڭ بەستەن ءبىرى - 60-تى القىمداعان قاريالار. دەمەك ەڭبەككە قابىلەتتى ادام سانى ازايىپ، جۇمىس كۇشىنىڭ تاپشىلىعى ءوسىپ بارادى. سوندىقتان قىتاي بيلىگى روبوتتارعا زور ءۇمىت ارتىپ وتىر.

 ياو ماوتسين، AgiBot's Embodied Intelligence كومپانياسىنىڭ پرەزيدەنتى:

 - قىتاي، جاپونيا سياقتى ازيا ەلدەرىندە قارت كىسى كوپ. ولاردىڭ جۇمىس ىستەمەيتىنى تۇسىنىكتى. ءتىپتى قاريالاردىڭ وزىنە كۇتىم كورسەتەتىن مامان قاجەتتىگى ارتىپ كەلەدى. بۇل جۇمىستى روبوت اتقارا الادى. مىسالى، قارت كىسىلەردى كوتەرىپ، دارەتحانا اپارىپ كەلەدى، ولارعا تاماق تاسيدى نە ءدارىسىن بەرەدى دەگەندەي.

 قىتاي تەك گۋمانويدتى ەمەس، وزگە روبوتتار وندىرىسىندە دە جاقسى ناتيجە كورسەتىپ وتىر. 5 جىل بۇرىن مۇندا 150 مىڭداي كاسىپورىن جۇمىس ىستەسە، قازىر كورسەتكىش جارتى ميلليونعا جۋىقتايدى. قىتايدا جاسالعان تاماق جەتكىزەتىن اۆتوماتتى قۇرىلعىلار بۇگىندە الەمنىڭ 60 تان اسا ەلىندە كەڭىنەن قولدانىلادى. بيىل ءبىرىنشى توقساندا ەكسپورتتىق تاپسىرىس كولەمى بىلتىرمەن سالىستىرعاندا 4 ەسە ارتقان. سوسىن قىتايلىق جۇك تاسيتىن روبوتتارعا دا قىزىعۋشىلىق تانىتىپ جاتقان شەتەلىك كومپانيا كوپ. قازىر قىتايدىڭ وزىندە دە سۇرانىس جوعارى. بىلتىر الەمدە جارتى ميلليوننان اسا جاڭا ونەركاسىپتىك روبوت پايدا بولسا، سونىڭ تەڭ جارتىسى قىتاي كاسىپورىندارىندا ورناتىلعان ەكەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى