قىتاي ا ق ش- تىڭ ساۋداعا قاتىستى تەرگەۋدىڭ ساياسيلانىپ كەتۋىنە الاڭدادى

قىتاي مينيسترلىگىنىڭ رەسمي وكىلى حە يادۋن بۇل مالىمدەمەنى ا ق ش- تىڭ وڭتۇستىك-شىعىس ازيانىڭ ءتورت ەلىنەن فوتوەلەكترلىك ونىمدەرگە دەمپينگكە قارسى باج سالىعى تۋرالى تۇسىنىكتەمە بەرۋ تۋرالى وتىنىشىنە جاۋاپ رەتىندە جاسادى.

جاقىندا ا ق ش ساۋدا مينيسترلىگى كامبودجا، ۆەتنام، تايلاند جانە مالايزيادان كەلەتىن فوتوەلەكترلى ونىمدەرگە قاتىستى دەمپينگكە قارسى تەرگەۋدىڭ الدىن الا ناتيجەلەرىن جاريالادى.

تەرگەۋ «ناقتى ناتيجەگە باعىتتالعان» دەگەن شەنەۋنىك ا ق ش- تىڭ پروتەكتسيونيستىك ارەكەتتەردى مۇمكىندىگىنشە تەزىرەك توقتاتۋعا شاقىردى.

جاھاندىق ونەركاسىپ جانە تاۋارلاردى تاسىمالداۋ تىزبەگىنىڭ قالىپتاسۋى نارىق ەرەجەلەرى مەن كاسىپورىن تاڭداۋىنىڭ ناتيجەسى سانالادى، دەپ تولىقتىردى قىتايلىق شەنەۋنىك. ونىڭ ايتۋىنشا بۇل تىزبەكتەردىڭ ۇزدىكسىز جانە تۇراقتى جۇمىسى بارلىق تاراپتىڭ ۇزاق مەرزىمدى مۇددەلەرىنە سايكەسەدى.

بۇعان دەيىن حابارلانعانداي ا ق ش قىتايدىڭ جاڭا تەحنولوگيالاردى ساتىپ الۋىنا شەكتەۋلەر ەنگىزدى.

قىتاي چيپكە سالىنعان سانكسيالارعا جاۋاپ رەتىندە ا ق ش- قا گاللي، گەرماني جانە سۋرما ەكسپورتتاۋعا تىيىم سالدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى