قىتاي ا ق ش-تى كومپانيالارىنا قىسىم كورسەتۋدى توقتاتۋعا شاقىردى
استانا. KAZINFORM - امەريكالىق تاراپ ەكسپورتتى باقىلاۋ قۇرالدارىن تەرىس پايدالانىپ، زاڭسىز ءبىرجاقتى سانكسيالار ەنگىزۋدە. بۇل تۋرالى سارسەنبى كۇنى قىتاي سىرتقى ىستەر مينيسترلىگىنىڭ رەسمي وكىلى گو جياكۋن مالىمدەدى، دەپ حابارلايدى Kazinform.
- ءبىز امەريكالىق تاراپتى ۇلتتىق قاۋىپسىزدىك تۇجىرىمداماسىن جالپىلاۋدى توقتاتۋعا، ساۋدا-ەكونوميكالىق جانە عىلىمي-تەحنيكالىق ماسەلەلەردى ساياسيلاندىرۋدى جانە قارۋ رەتىندە پايدالانۋدى توقتاتۋعا، سونداي-اق سانكسيالار ءتىزىمى ارقىلى قىتايلىق كاسىپورىنداردى نەگىزسىز باسىپ-جانشۋدى توقتاتۋعا شاقىرامىز، - دەدى قىتاي ديپلوماتى.
قىتاي سىرتقى ىستەر مينيسترلىگىنىڭ رەسمي وكىلىنىڭ ايتۋىنشا، «قىتاي قىتايلىق كومپانيالاردىڭ زاڭدى قۇقىقتارى مەن مۇددەلەرىن قورعاۋ ءۇشىن قاجەتتى شارالار قابىلدايدى».
ايتا كەتەيىك، ا ق ش ساۋدا مينيسترلىگى قىتاي، ب ا ءا، وڭتۇستىك افريكا، يران جانە باسقا دا ەلدەردىڭ 80 كومپانياسىنا «ا ق ش ۇلتتىق قاۋىپسىزدىگى مەن سىرتقى ساياساتىنا قايشى كەلەتىن» ارەكەتتەرى ءۇشىن ەكسپورتتىق شەكتەۋلەر ەنگىزگەن بولاتىن.
وسىعان دەيىن قىتاي سىرتقى ىستەر مينيسترلىگى ترامپ-پۋتين كەلىسسوزىنە پىكىر بىلدىرگەنىن جازعان ەدىك.
