قىتاي ا ق ش-تى دەپارتامەنت سايتىنداعى تايۆانعا قاتىستى قاتە مالىمەتتى تۇزەتۋگە شاقىردى
استانا. KAZINFORM - بۇل تۋرالى دۇيسەنبىدە قىتاي سىرتقى ىستەر مينيسترلىگىنىڭ رەسمي وكىلى گۋ جياكۋن مالىمدەدى، دەپ حابارلايدى شينحۋا اقپارات اگەنتتىگى.
ا ق ش مەملەكەتتىك دەپارتامەنتى سايتىنداعى تايۆان تۋرالى اقپارات پاراعىنىڭ «جاڭارتىلۋى» امەريكالىق تاراپتىڭ قىتايدى شەكتەۋ ءۇشىن تايۆان ماسەلەسىن پايدالانعانىنىڭ تاعى ءبىر مىسالى، وسىعان بايلانىستى قىتاي قۇراما شتاتتاردى قاتەلەرىن دەرەۋ تۇزەتۋگە شاقىردى.
بۇعان دەيىن ا ق ش مەملەكەتتىك دەپارتامەنتى ءوزىنىڭ سايتىندا جاريالانعان تايۆان تۋرالى اقپارات پاراعىن «جاڭارتقانى» - «ا ق ش تايۆان تاۋەلسىزدىگىن قولدامايدى» دەگەن بۇرىنعى تۇجىرىمدى الىپ تاستاعانى حابارلانعان بولاتىن.
گو جياكۋن ءبىر عانا قىتاي بارىن، تايۆان قىتايدىڭ ءبىر بولىگى ەكەنىن جانە قىتاي حالىق رەسپۋبليكاسىنىڭ ۇكىمەتى - بۇكىل قىتايدى بىلدىرەتىن جالعىز زاڭدى ۇكىمەت ەكەنىن قايتالادى. ديپلوماتتىڭ ايتۋىنشا، بۇل حالىقارالىق قاۋىمداستىقتىڭ جالپى كونسەنسۋسى جانە حالىقارالىق قاتىناستاردىڭ جالپى تانىلعان نورماسى، ونى ا ق ش- تىڭ ءۇش بىرلەسكەن قىتاي- امەريكان كومميۋنيكەسىندە قابىلداعان سالتاناتتى مىندەتتەمەسى راستايدى.
رەسمي وكىل مەملەكەتتىك دەپارتامەنتتىڭ تايۆان تۋرالى فاكتولوگيالىق انىقتاماعا ەنگىزگەن وزگەرتۋى ا ق ش- تىڭ تايۆان ماسەلەسىنە قاتىستى ۇستانىمىندا ەلەۋلى كەرى قادام ەكەنىن جانە «تايۆان تاۋەلسىزدىگىن» جاقتايتىن سەپاراتيستىك كۇشتەرگە وتە قاتە سيگنال بەرەتىنىن باسا ايتتى.
- ءبىز ا ق ش-تى ءوز قاتەلىكتەرىن دەرەۋ تۇزەتۋگە جانە ءبىر قىتاي پرينتسيپى مەن ءۇش قىتاي-ا ق ش بىرلەسكەن مالىمدەمەسىن قاتاڭ ساقتاۋعا شاقىرامىز، - دەدى گۋ جياكۋن.
ول ا ق ش تاراپىن قىتاي مەن ا ق ش قارىم- قاتىناستارىنا، سونداي- اق تايۆان بۇعازىنداعى بەيبىتشىلىك پەن تۇراقتىلىققا ودان ءارى زيان كەلتىرمەۋ ءۇشىن تايۆانمەن ناقتى قارىم- قاتىناس دەڭگەيىن كوتەرۋدى توقتاتۋعا، تايۆانعا حالىقارالىق كەڭىستىگىن كەڭەيتۋگە كومەكتەسۋدەن باس تارتۋعا، «تايۆان قاۋىپسىزدىگىن» قولداۋدى توقتاتۋعا شاقىردى.
