قىتاي ا ق ش- تىڭ 28 كومپانياسىنا شەكتەۋ قويدى
استانا. KAZINFORM - قىتاي حالىق رەسپۋبليكاسىنىڭ ساۋدا مينيسترلىگى 28 امەريكالىق كومپانياعا قاتىستى قوس ماقساتتاعى ونىمدەردى جەتكىزۋگە شەكتەۋ قويدى.
TAСС مالىمەتىنشە، ءتيىستى مالىمدەمە رەتتەۋشىنىڭ سايتىندا جاريالاندى.
- قىتاي حالىق رەسپۋبليكاسىنىڭ «ەكسپورتتىق باقىلاۋ تۋرالى» زاڭىنا جانە قىتاي حالىق رەسپۋبليكاسىنىڭ قوس ماقساتتاعى تاۋارلاردىڭ ەكسپورتتىق باقىلاۋى تۋرالى ەرەجەلەرىنە سايكەس، قىتايدىڭ ۇلتتىق قاۋىپسىزدىگى مەن مۇددەلەرىن قورعاۋ ماقساتىندا، سونداي- اق حالىقارالىق مىندەتتەمەلەردى ورىنداي وتىرىپ، قىتاي تاراپى 28 امەريكالىق كومپانيانى ەكسپورتتىق تىزىمگە باقىلاۋدى ەنگىزۋ تۋرالى شەشىم قابىلدادى، - دەلىنگەن ۆەدومستۆو حابارلاماسىندا.
انىقتالعانداي، 2025 -جىلدىڭ 2 -قاڭتارىنان باستاپ قىتاي حالىق رەسپۋبليكاسىنىڭ ساۋدا مينيسترلىگىنىڭ ارنايى رۇقساتىنسىز وسى كومپانيالاردىڭ مۇددەسى ءۇشىن قوس ماقساتتاعى قىتاي ونىمدەرىن ەكسپورتتاۋعا تىيىم سالىنادى.
ەركەجان سماعۇلوۆا
اۆتور
