قىتاي ا ق ش قازىناشىلىعىنداعى وبليگاتسيالارىن سوڭعى 15 جىلداعى ەڭ تومەنگى مەجەگە دەيىن قىسقارتتى
استانا. قازاقپارات - Global Times باسىلىمىنىڭ مالىمەتىنە سۇيەنسەك، قىتايدىڭ ا ق ش قازىناشىلىعىنداعى وبليگاتسيالارىنىڭ ۇلەسى 760,1 ميلليارد دوللارعا دەيىن تومەندەپ، 2009-جىلدىڭ اقپانىنان بەرگى ەڭ تومەنگى دەڭگەيگە ءتۇستى.
ا ق ش قارجى مينيسترلىگى جاريالاعان دەرەكتەر قىتايدىڭ ا ق ش قازىناشىلىعىنداعى وبليگاتسيالارى وسى جىلدىڭ قازان ايىندا 11,9 ميلليارد دوللارعا ازايىپ، 760,1 ميلليارد دوللاردى قۇراعانىن كورسەتتى. بۇل 2024-جىلى وسىمەن ءتورتىنشى مارتە ازايىپ وتىر.
Global Times كەلتىرگەن مالىمەتتەرگە سۇيەنسەك، 2022-جىلدىڭ ساۋىرىنەن بەرى قىتايدىڭ ا ق ش ۇكىمەتىنىڭ سىرتقى قارىزىنا ينۆەستيتسياسى 1 تريلليون دوللاردان از بولدى.
مەملەكەتتىك ۆاليۋتالىق باقىلاۋ باسقارماسىنىڭ (SAFE) دەرەگىنشە، قىتايدىڭ ۆاليۋتالىق قورى 3,2659 تريلليون دوللاردى قۇرادى، بۇل قازان ايىنىڭ سوڭىنداعى كورسەتكىشتەن 4,8 ميلليارد دوللارعا (%0,15+) كوپ.
قىتاي حالىق بانكىنىڭ ستاتيستيكالىق مالىمەتتەرىنە سايكەس، قاراشا ايىنىڭ سوڭىندا ەلدىڭ التىن قورى - 72,96 ميلليون ۋنتسيا، بۇل قازان ايىمەن سالىستىرعاندا 160 مىڭ ۋنتسياعا ارتىق.
ەسكە سالساق، وسىعان دەيىن قازاقستان-قىتاي قارىم-قاتىناسىنىڭ دامۋى تۋرالى مونوگرافيانىڭ تۇساۋى كەسىلگەنى حابارلانعان.
